យើងខ្ញុំដែលជាអតីតនិស្សិតនៃសាលាគោលនយោបាយសាធាណៈដែលល្បីជាងគេមួយនៅលើពិភពលោក និងលេខ ១ នៅអាស៊ី សូមធ្វើការវាយតម្លៃខ្ពស់បំផុតចំពោះការសម្រេចបានតំណក់ប្រេងជាលើកដំបូងនេះ តាមរយះការដាក់ចេញនូវគោលនយោបាយរបស់រាជរដ្ឋាភិបាលកម្ពុជា ដែលនេះក៏ជាការបើកទំព័រប្រវត្តិសាស្ត្រដ៏សំខាន់បំផុតមួយដែរសម្រាប់ប្រទេសកម្ពុជា ឆ្ពោះទៅការជម្រុញការបង្កើនសមត្ថភាពជាតិ និងកសាងខឿនឧស្សាហកម្មប្រេងកាត ឧស្ម័ន និងថាមពល ដែលជាពរជ័យសម្រាប់ប្រជាជាតិ និងប្រជាជនកម្ពុជា ក្រោមម្លប់ដ៏ត្រជាក់ត្រជុំនៃ “សន្តិភាព” របស់ សម្តេចតេជោ បិតាស្ថាបនិក អគ្គមគ្គទេសក៍ និងជាប្រតិបត្តិករនយោបាយ ឈ្នះ-ឈ្នះ ដែលបានតស៊ូរំដោះប្រទេសជាតិឲ្យផុតពីរបបប្រល័យពូជសាសន៍ និងបានខិតខំពុះពារកសាងសន្តិភាព សេដ្ឋកិច្ច លទ្ធិប្រជាធិបតេយ្យ និងវឌ្ឍនភាពសង្គមដ៏គាប់ប្រសើរ។
សមាសភាពអតីតនិស្សិតកម្ពុជានៃសាលានេះ បានទទួលការទុកចិត្តក្នុងការចូលរួមដឹកនាំរាជរដ្ឋាភិបាលកម្ពុជា ដូចជា ឯកឧត្តម ព្រុំ សុខា ដែលជារដ្ឋមន្ត្រីក្រសួងមុខងារសាធារណៈ ជាដើម។