មហាសំណាង រថយន្តកុងតៃនឺ គេចម៉ូតូបុកចូលផ្ទះសំណាងល្អមិនមានគ្រោះថ្នាក់ដល់មនុស្ស
#ក្រុងព្រះសីហនុ៖
ករណីគ្រោះថ្នាក់ចរាចរណ៍មួយកើតឡើងបង្កឡើងដោយខ្លួនឯង ខណៈពេលដែលមេឃកំពុងភ្លៀងរលឹមមានរថយន្តកុងតឺន័រមួយគ្រឿងបើកបរគេចនិងឧបសគ្គខាងមុខបានរេចង្កូតមកបុកផ្ទះពលរដ្ឋ បណ្តាលឲ្យខូចខាតបាក់បែកផ្ទះ និងរថយន្តយ៉ាងតំណំ ប៉ុន្តែពុំបណ្តាលឲ្យមានមនុស្សរងគ្រោះថ្នាក់នោះទេ ។ ករណីនេះកើតហេតុនៅវេលាម៉ោងជិត១១ថ្ងៃត្រង់ថ្ងៃទី១៧ឧសភា២០២៣នេះ នៅលើផ្លូវទំនប់រលក ម្តុំភូមិរំដួលជើងភ្នំ សង្កាត់១ ក្រុងព្រះសីហនុ ។
ក្រោយពេលកើតហេតុភាគីរថយន្តសងសំណងថ្លៃបាក់បែកផ្ទះមួយចំនួនដើម្បីបញ្ចប់រឿងនៅ
កន្លែងកើតហេតុ និងយករថយន្តទៅជួសជុសដោយខ្លួនឯង ។
ដោយឡែកយោងតាមប្រភពពីប្រជាពលរដ្ឋនៅក្បែរកន្លែងកើតហេតុ បានអោយដឹងថា តំបូងឡើយគេឃើញរថយន្តកុងតៃនឺ បើកបរក្នុងទិសពីត្បូងទៅជើង
(ចេញពីក្រុងព្រះសីហនុឆ្ពោះទៅកាន់ស្រុកស្ទឹងហាវ)រហូតមកដល់កន្លែងកើតហេតុ បានគេចម៉ូតូមួយគ្រឿង ហើយក៍បានរ៉េចង្កូតចូលផ្ទះប្រជាពលរដ្ឋតែម្តង។