ខេត្តព្រះសីហនុៈ បុរស់ចិត្តស្លុយ ប៉ុនប៉ងសម្លាប់អតីតៈប្រពន្ឋដើម្បីរំសាយកំហឹង ដោយសាររឿងចែកទ្រព្យសម្បត្តិមិនស្មើរ ត្រូវបានកំលាំងអន្តរាគមន៏ពិសេស របស់ស្នងការដ្ឋាននគរបាលខេត្តព្រះសីហនុ បើកប្រតិបត្តិការ យ៉ាងក្តៅគគុក អស់រយះពេល១២ម៉ោង ទើបឈានដល់ការចាប់ខ្លួន។
ជុំវិញករណីនេះ យោងតាមប្រភពពីសមត្ថកិច្ច បានអោយដឹងថាប្រតិបត្តិការយ៉ាងយកចិត្តទុកដាក់ក្រោមដឹកនាំផ្ទាល់ ពីលោកវរសេនីយ៍ឯក លី សុខហ៊ី នាយការិយាល័យព្រហ្មទណ្ឌ កំរឹត ស្រាល នៃស្នងការនគរបាលខេត្តព្រះសីហនុ បានថ្លែងប្រាប់នៅ ថ្ងៃទី២០ ខែមិថុនា ឆ្នាំ២០២១នេះថា បុរសជាជនសង្ស័យបាញ់មកលើស្ត្រីម្នាក់ដែលជាអតីតៈប្រពន្ឋ ឈ្មោះ ហង្ស សុភាពអាយុ ២៨ឆ្នាំ ដែលទើបនឹងលែងលះគ្នាជិតមួយខែមុន ឲ្យរងរបួសធ្ងន់ មានឈ្មោះ ជា សុវណ្ណារ៉ា ភេទប្រុសកើតនៅឆ្នាំ១៩៩០ មានមុខរបរមិនពិតប្រាកដ។ ប្រតិបត្តិការណ៍នេះផ្ទាល់តាំងតែពីម៉ោងកើតហេតុភ្លាម ៗនៅ វេលាម៉ោងជាង៦ល្ងាចថ្ងៃទី១៩ ខែមិថុនា ឆ្នាំ២០២១ រហូតមកទល់និង វេលា ម៉ោង១១ថ្ងៃត្រង់ថ្ងៃទី២០មិថុនា២០២១ទើបកំលាំងសម្រុកពូនស្ទាក់ចាប់បានជនដៃដល់នោះតែម្តង ។ ប្រភពពីសមត្ថកិច្ចដ៏ដែលបានបន្តថា យោងតាមការឆ្លើយសាភាពមិនទាន់ផ្លូវការ របស់ជនសង្ស័យបានបញ្ចាក់ថា ចំពោះមូលហេតុដែលជនសង្ស័យបានផ្ទុះអាវុធបាញ់មកលើស្ត្រីម្នាក់ដែលជាអតីតប្រពន្ធខ្លួនទើបលែងលះគ្នាបាន១ខែដោយសារជនសង្ស័យខឹងសម្បារយ៉ាងខ្លាំងក្រោយមានការបែងចែកទ្រព្យសម្បិត្តមិនស្មើភាព ជាមួយនឹងអតីតៈប្រពន្ឋ ព្រោះរូបគេទទួលបានចំណែកតែលុយ៤០០០$ ដីមួយឡូរ(នៅកោះខ្យង) នឹងម៉ូតូមួយគ្រឿង ឯ ប្រពន្ឋ បានចំណែកផ្ទះផង ដីផង នឹងសម្ភារៈមួយចំនួនធំទៀត ទើបរូបគេយកលុយចំនួន៤០០០$នោះទៅទិញកាំភ្លើងខ្លីមួយដើមម៉ាក K54 ក្នុងគោលបំណងតាមសម្លាប់អតីតៈប្រពន្ឋនិងក្រុមគ្រួសារ។
បច្ចុប្បន្ន ជនសង្ស័យត្រូវបានសមត្ថកិច្ចឃាត់ខ្លួនបានហើយ និង យកទៅកាន់ស្នងការនគរបាលខេត្ត ដើម្បីសួរចម្លើយ និងបន្តបញ្ជូនទៅតុ លា ការអនុវត្តន៍តាមនីតិវិធីច្បាប់ ៕