(ខេត្តព្រះសីហនុ)៖ នៅព្រឹកថ្ងៃទី១៧ ខែឧសភា ឆ្នាំ២០២១ ឯកឧត្តម គួច ចំរើន អភិបាលនៃគណៈអភិបាល ខេត្តព្រះសីហនុ បានអញ្ជើញចុះត្រួតពិនិត្យការដ្ឋានស្ថាបនា «វិថី តេជោ » ដែលតភ្ជាប់ពីវិថី ២ធ្នូ មកចុងវិថី ៥០២ (អូរឈើទាល) នៅតំបន់ពយតាមូង ស្ថិតក្នុងភូមិសាស្ត្រសង្កាត់លេខ៤ ក្រុងព្រះសីហនុ ខេត្តព្រះសីហនុ ។
សូមបញ្ជាក់ថា « វិថី តេជោ » មានប្រវែង ១,០៣៤ ម៉ែត្រ ដែលយើងអាចនិយាយបានថានេះគឺជាផ្លូវដំបូងបំផុតក្នុងខេត្តព្រះសីហនុ ដែលបានចាក់ដីចូលក្នុងសមុទ្រដើម្បីធ្វើផ្លូវតភ្ជាប់ ពីទីតាំងមួយ ទៅទីតាំងមួយទៀត ហើយនេះក៏ជា សមិទ្ធិផលថ្មី របស់សម្ដេចតេជោ ផ្តល់ជូនប្រជាពលរដ្ឋក្នុងខេត្តព្រះសីហនុ និងភ្ញៀវទេសចរណ៍ជាតិ អន្តរជាតិ ទាំងអស់។