កំពង់ឆ្នាំង៖ នាព្រឹកថ្ងៃព្រហស្បត្តិ៍ ១៥កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែមករា ឆ្នាំ២០២១នេះ លោក កាណុល ចិត្រា ប្រធានរតនាគារខេត្តកំពង់ឆ្នាំង អញ្ជើញដឹកនាំកិច្ចប្រជុំប្រចាំខែមករា ឆ្នាំ២០២១ ដើម្បីត្រួតពិនិត្យលើកិច្ចការអនុវត្តកន្លងមក និងពិនិត្យ ពិភាក្សាដោះស្រាយបញ្ហាប្រឈមនានា របស់រតនាគារខេត្តកំពង់ឆ្នាំង។
ក្នុងកិច្ចប្រជុំនោះដែរ លោក កាណុល ចិត្រា ប្រធានរតនាគារខេត្តកំពង់ឆ្នាំង បានជម្រុញដល់ថ្នាក់ដឹកនាំ និងមន្រ្តី ត្រូវអនុវត្តក្នុងការបម្រើសេវាឱ្យបានល្អត្រឹមត្រូវ និងឆាប់រហ័ស ស្របតាមការណែនាំរបស់អគ្គនាយកដ្ឋានរតនាគារជាតិ។
ក្នុងកិច្ចប្រជុំនោះផងដែរក៏មានការលើកឡើងនូវចំណុចសំខាន់ៗរួមមាន៖
១/ ផ្សព្វផ្សាយកិច្ចប្រជុំបូកសរុបការងាររតនាគារទូទាំងប្រទេសប្រចាំឆ្នាំ២០២០ និងទិសដៅការងារឆ្នាំ២០២១ តាមរយៈ Online នៅថ្ងៃទី២៦ ខែមករា ឆ្នាំ២០២១។
២/ រៀបចំផែនការបិទបញ្ជី ឆ្នាំ២០២០ និងទិសដៅអនុវត្តការងារសម្រាប់ឆ្នាំ២០២១។
៣/ ដោះស្រាយបញ្ហាប្រឈមផ្សេងៗ និង សំណូមពរ ៕