ខេត្តព្រះសីហនុ៖ នៅព្រឹក ថ្ងៃទី០៣ ខែមីនា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងជាគណៈបញ្ជាការឯកភាពខេត្តព្រះសីហនុ បានអញ្ជើញមកការិយាល័យចរាចរណ៍ផ្លូវគោក ដើម្បីសួរសុខទុក្ខដល់កងកម្លាំង និងជម្រុញបន្ថែមការអនុវត្តច្បាប់ចរាចរណ៍ផ្លូវគោក ជាពិសេសការត្រួតពិនិត្យរកសារធាតុញៀនអ្នកបើកបររថយន្តធន់ធំជាប្រចាំ ។
ក្នុងឱកាសនោះផងដែរ ឯកឧត្តម អភិបាលខេត្ត ក៏បានឧបត្ថម្ភថវិការចំនួន ៥.០០០.០០០រៀល ជូនដល់កងកម្លាំង ដែលបានខិតខំបំពេញការងារទទួលបានលទ្ធផលល្អជាបន្តបន្ទាប់កន្លងមកនេះ ។
លោកឧត្តមសេនីយ៍ត្រី អុី សុខា តំណាងឲ្យ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានគោរពអរគុណដល់ ឯកឧត្តម អភិបាលខេត្ត នៃគណៈអភិបាលខេត្តព្រះសីហនុ ដែលបានយកចិត្តទុកដាក់ចំពោះកងកម្លាំងនគរបាលខេត្តព្រះសីហនុ សូមគោរពជូនពរ ឯកឧត្តម និងលោកជំទាវ ព្រមទាំងក្រុមគ្រួសារ មានសុខភាពល្អ កម្លាំងមាំមួន ជោគជ័យគ្រប់ភារកិច្ចទាំងអស់ ៕