បន្ទាយមានជ័យ៖ យ៉ាងហោចណាស់ក៏មានមនុស្សចំនួន៣នាក់រងរបួសធ្ងន់ស្រាល ផាសអាប់និង ម៉ូតូ ជិត១០គ្រឿង រួមជាមួយសម្ភារៈមួយចំនួនធំបន្ទាប់ពីរថយន្តមួយគ្រឿងម៉ាកលុចស៊ីស400hបុករះផាសអាប់និងម៉ូតូនៅពេលធ្វើដំណើរនិងចតចោលចិញ្ចើមផ្លូវបណ្តាលអោយមានរបួសធ្ងន់ស្រាល ទាំង ព្រឹកថ្ងៃទី០៤ ខែកញ្ញា ឆ្នាំ២០២៣ស្ថិតភូមិក្បាលស្ពានមួយ សង្កាត់ អូរ ជ្រៅ ក្រុងប៉ោយប៉ែត។
អ្នកឃើញហេតុការណ៍ប្រាប់ថា៖នៅពេលគ្រោះថ្នាក់ចរាចរណ៍កើតឡើងមានរថយន្តលុចស៊ីស 400hពាក់ផ្លាកលេខភ្នំពេញ 2AL.7905 ដែលបើកបរដោយជនជាតិចិន ក្នុងទិសដៅពីលិចមកកើតតាមផ្លូវបេ តុងហើយបុករះពីក្រោយបណ្តាលខូចខាតផាសអាប់៣គ្រឿង កង់បី១ គ្រឿង បង់អង្គុយលេងចំនួន២ របងផ្ទះដែក វៀចប្រវែង៦ម៉ែត្រ ម៉ូតូ៤ ទៅ៥គ្រឿងដែលកំពុងធ្វើដំណើរនិងចតចោលនៅចិញ្ចើមផ្លូវមានអ្នករងរបួសធ្ងន់.ស្រាល៣នាក់ត្រូវបានសង្គ្រោះបន្ទាន់។ប្រភពដ៏ដែលបានបន្តថាៈមូលហេតុគ្រោះថ្នាក់ចរាចរណ៍កើតឡើងដែលបង្កដោយជនជាតិចិនដែលស្រវឹងជោគជាំ បានបើកបរបុករះបណ្តាលខូចខាត ផាសអាប់និងម៉ូតូកង់បីនិងមានអ្នករងរបួសធ្ងន់ស្រាល៣នាក់ត្រូវបានសង្គ្រោះទៅកាន់មន្ទីពេទ្យ។
ក្រោយគ្រោះថ្នាក់ភ្លាមៗប្រជាពលរដ្ឋនៅកន្លែងកើតហេតុបានឃាត់ជនជាតិចិនដែលបង្កគ្រោះហើយភ្លាមៗឃើញមន្ត្រីនគរបាលចរាចរណ៍ផ្លូវគោកក្រុងប៉ោយប៉ែត បានមកដល់ធ្វើចរាចរណ៍និងវាស់ វែងទីតាំងកើតហេតុ ដោយបានផ្តល់ព័ត៏មានបឋមថាគ្រោះថ្នាក់ចរាចរណ៍ដែល បង្ក ឡើងទាំងព្រលឹមនេះ ដោយសារតែជនជាតិ ចិនដែលស្រវឹង បើករថយន្តរេចង្កូតឡើងចឹញ្ចើមផ្លូវបានបុករះយតែម្តង។
ចំពោះវត្ថុតាង ផាសអាប់និងម៉ូតូនេះក្រោយពីពិនិត្យវាស់វែងរួចហើយ ត្រូវបានយកទាំង អ្នកបើកបរនិងរថយន្តបង្កទៅរក្សាទុកនៅអធិការដ្ឋាននគរបាលក្រុងប៉ោយប៉ែតដើម្បីដោះស្រាយគ្នាតាមផ្លូវច្បាប់៕ អត្តបទ និង រូបភាពដោយៈ លោក ហ៊ីង ចាន់ថន ប្រចាំខេត្តបន្ទាយមានជ័យ