ពិតជាអាសូពន់ពេក ដើរហាត់សុខៗដួលផ្ងាក្រោយបោកក្បាលស្លាប់ភ្លាមៗ
ខេត្តព្រះសីហនុៈMC.បុរសម្នាក់ បានស្លាប់ភ្លាមៗខណះពេលដើរហាត់ប្រាណជាមួយមិត្តភ័ត្រ ក្រោយពីបានដួលផ្ងាក្រោយយ៉ាងពេញទំហឹង នៅលើការ៉ូឡា នាល្ងាចថ្ងៃទី៧សីហារឆ្នាំ២០២១។
ជុំវិញហេតុការណ៏នេះ បើយោងតាមប្រភពពីមន្ត្រីជំនាញពិនិត្យសាកសពនៃស្នងការដ្ឋាននគរបាលខេត្តព្រះសីហនុ បានគូសបញ្ជាក់ក្រោយការធ្វើកោសលវិច្ច័យរួចមកថា សាកសពភេទប្រុស អាយុប្រហាក់ប្រហែលជិត៦០ឆ្នាំ គឺជាជនជាតិ ចិន ពិតជាស្លាប់ដោយសារស្លាក់ខ្សល់ ហើយបានដួលផ្ថាក្រោយ បោកក្បាលផ្នែកខាងក្រោយ ជាមួយជ្រុងនៃការ៉ូឡា បណ្តាលអោយស្លាប់ភ្លាមៗតែម្តង។
ដោយឡែកយោងតាមប្រភពពីសាក្សីនៅក្បែរ កន្លែងកើតហេតុ ក៏ដូចជាតាមរយះកាមេរ៉ាសុវត្តិភាព បានអោយដឹងថា នៅវេលាម៉ោងកើតហេតុខាងលើ គេបានឃើញមនុស្សម្នាជាច្រើនបានដើរហាត់ប្រាណ រហូតដល់វេលាម៉ោងកើតហេតុ គេបានជនរងគ្រោះ រួមជាមួយមនុស្សចំនួនប្រមាណ២ទៅ៣នាក់ដើរហាត់ប្រាណជាមួយ តែនៅពេលជនរងគ្រោះ ដើរមកដល់ចំនុចកើតហេតុស្រាប់តែ បុរស់ជាជនរងគ្រោះបានដួលផ្ងាក្រោយតែម្តង ហូរឈាមរហូតដល់ស្លាប់នៅនឹងកន្លែង។
ក្រោយពីការធ្វើកោសលវិច្ច័យរួចរាល់ សាកសពត្រូវបានបញ្ជូនទៅកាន់ទីតាំងតម្កល់សាកសព ដើម្បីរងចាំការពិនិត្យម្តងទៀត៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម