ខេត្តកំពង់ឆ្នាំងៈ(ព័ត៍មានបឋម)មនុស្សម្នាជាច្រើនបានសម្តែងនូវការសង្វេកជាពន់ពេកមានអ្នកខ្លះស្រក់ទឹកភ្នែកដោយពុំដឹងខ្លួន ខណះពេលបានឃើញទិដ្ឋភាពដ៏មហាសោកសៅ នៃគ្រួសារ ដែលគ្រោះដោយអគ្គីភ័យកាលពីយប់ថ្ងៃទី៩វេលាម៉ោង៨យប់ក្នុងស្រុកបរិបូណ៌ ខេត្តកំពង់ឆ្នាំង ដោយបានឆក់យកជីវិតមនុស្សក្មេងចាស់ចំនួន៦នាក់ក្នុងចំណោមគ្រួសារទាំងមូលមានគ្នា៧នាក់ សល់តែប្តីអោយរស់នៅតែម្នាក់ឯង មិនខុសពីនាងបដាច្ចានោះទេ។
យោងតាមព័ត៏មានបឋមពីសាក្សីក្នុងភូមិបានអោយដឹងថាវាពិតជាសង្វេគខ្លាំងណាស់ខណៈពេលក្នុងមួយគ្រួសារមានគ្នា 7នាក់ ស្លាប់ 6 នាក់ ក្នុងនោះ មានកូនប្រុស4នាក់ ពីអាយុ 3 ឆ្នាំដល់9ឆ្នាំចំនួន4នាក់ និងម្ដាយមានទម្ងន់ក្នុងពោះក៏ស្លាប់ទាំងម្ដាយទាំងកូនផងដែរ នៅរស់តែប្ដីម្នាក់ប៉ុណ្ណោះ ពិតជាអា ណោចអាធម្មខ្លាំងណាស់ រកអ្វីនិយាយមិនបាននោះទេ។
ចំពោះអគ្គីភ័យនេះ គេ ពុំទាន់អាចវាយតម្លៃ ឬ សន្និដ្ឋានអោយបានជាក់លាក់នៅឡើយទេ ប៉ុន្តែ បើយោងតាមប្រភពប្រជាពលរដ្ឋ ថា អាចមកពីឆ្លងចរន្តអគ្គីនីយ៏(ប្រភពពីគេហទំព័រ ខ្មែរ ភក្តី)