អាវុធហត្ថខេត្តព្រះសីហនុ ឃាត់ចាប់ខ្លួនមេក្លោងចាប់ដីអនាធិបតេយ្យ និងបក្សពួក១០នាក់ នៅស្រុកព្រៃនប់.!
(ខេត្តព្រះសីហនុ)៖ សមត្ថកិច្ចកងរាជអាវុធហត្ថខេត្តព្រះសីហនុ បានថ្លែងប្រាប់ថា នៅថ្ងៃទី២ ខែ កុម្ភៈ ឆ្នាំ២០២១ សមត្ថកិច្ចកងរាជអាវុធហត្ថខេត្តដឹកបញ្ជាដោយលោកឧត្ដមសេនីយ៍ ហេង ប៊ុនទី មេបញ្ជាការកងរាជអាវុធហត្ថខេត្ត បានចុះប្រតិបត្តិការឃាត់ខ្លួនមេក្លោងចាប់ដីអនាធិបតេយ្យនិងបក្សពួក១០នាក់ នៅតំបន់ពូយម៉ាចូវ ភូមិ គគីរ ឃុំ បិតត្រាង ស្រុក ព្រៃនប់ ខេត្ត ព្រះសីហនុ ដកហូតអាវុធខ្លី ១ដេីម ដេីម្បីកសាងសំណុំរឿងបញ្ជូនទៅតុលាការចាត់ការតាមច្បាប់ ។
មេក្លោងចាប់ដីអនាធិបតេយ្យមានឈ្មោះ កុយ ស៊ុន ជាអតីតឧត្ដមសេនីយ៍មួយរូប និង បក្សពួក តែងតែធ្វេីសកម្មភាពដេីរចាប់ដីរបស់ប្រជាជន និងដីរដ្ឋដោយខុសច្បាប់នៅភូមិ គគីរ ឃុំ បិតត្រាង ស្រុក ព្រៃនប់ ខេត្តព្រះសីហនុ ដោយមានមេក្លោងធំនៅភ្នំពេញ នៅពីក្រោយខ្នង ។
ប្រភពពីសមត្ថភាពបានអោយដឹងទៀតថា ពេលនេះសមត្ថកិច្ចកំពុងកសាងសំណុំរឿងបញ្ជូនទៅតុលាការចាត់ការតាមច្បាប់។ នៅមានក្រុមអនាធិបតេយ្យជាច្រើនក្រុមទៀតកំពុងធ្វើសកម្មភាព ហេីយមេក្រុម អនាធិបតេយ្យខ្លះយកលុយទៅសូកធ្វេីទីប្រឹក្សាថ្នាក់ដឹកនាំក៏មាន ។
សូមបញ្ជាក់ថា ករណីចាប់ដីអនាធិបតេយ្យនៅខេត្តព្រះសីហនុ បានកេីតឡេីងបន្ទាប់ពីវត្តមានវិនិយោគចិនចូលមកកាន់ខេត្តជាប់សមុទ្រមួយនេះ។ ជាពិសេសវិវាទដីធ្លីបានក្លាយទៅជាបញ្ហាស្មុគស្មាញខ្លាំងដល់អាជ្ញាធរ ព្រោះដីខ្លះមានម្ចាស់រហូតដល់ជិត ១០ នាក់ក៏មាន ។
បច្ចុប្បន្នវត្ថុតាងអាវុធខ្លី ១ដេីម និងមេក្លោងចាប់ដីរួមទាំងបក្សពួកចំនួន១០ រងចាំកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម