ខេត្តបាត់ដំបងៈយ៉ាងហោចណាស់ក៏មានរថយន្តចំនួន០៣គ្រឿង បានរងការខូចខាតយ៉ាងដំណុំ ក្នុងហេតុការគ្រោះថ្នាក់ចរាចរណ៏មួយកាលពីវេលាម៉ោង ១.១៥នាទីរសៀល ថ្ងៃ ៤ ខែតុលា ឆ្នាំ ២០២១ នៅភូមិកំពង់ពិល ឃុំវត្តតាមិម ស្រុកសង្កែខេត្តបាត់ដំបង ប៉ុន្តែពុំបណ្តាលអោយមនុស្សណាម្នាក់រងរបួសនោះទេ។
យោងតាមប្រភពបឋមពីកន្លែងកើតហេតុបានអោយដឹងថា នៅវេលាកើតហេតុខាងលើ មានករណីគ្រោះថ្នាក់ចរាចរណ៏មួយកើតឡើង រវាងរថយន្តធន់ធំនិងរថយន្តសាំយ៉ុង និងរថយន្តម៉ាក រ៉េវ ហ្វ័រពាក់ស្លាកលេខ.ភ្នំពេញ 2S.0750បុករះភ្លោងត្រូវរថយន្តម៉ាករ៉េវហ្វរមួយគ្រឿងទៀតពាក់ស្លាកលេខភ្នំពេញ 2U.5303ដែលបណ្ដាលអោយមានការភ្ញាក់ផ្អើលដល់បងប្អូនប្រជាពលរដ្ឋ។
ក្រោយកើតហេតុ រថយន្តទាំង៣គ្រឿងត្រូវបានសមត្ថកិច្ច ស្ទួចយកទៅរក្សាទុកនៅការិយាល័យចារចរណ៏ផ្លូវគោក នៃស្នងការដ្ឋាននគរបាលខេត្តបាត់ដំបង រងចាំការដោះស្រាយទៅតាមនិតិវិធីច្បាប់៕