មនុស្សចំនួន ០៣នាក់ ជនជាតិវៀតណាម ក្នុងករណី ចាប់ឃុំឃាំង, បង្ខំ មនុស្ស និងធ្វើទារុណកម្មដោយខុសច្បាប់
«ខេត្តព្រះសីហនុ»
(ស្រុកកំពង់សីលា) : សម្ថកិច្ចស្រុកកំពង់សីលាបានឱ្យដឹងថា មនុស្សចំនួន ០៣នាក់ ជនជាតិវៀតណាម ក្នុងករណី ចាប់ឃុំឃាំង, បង្ខំ មនុស្ស និងធ្វើទារុណកម្មដោយខុសច្បាប់ នៅចំណុចលើផ្លូវជាតិលេខ៤ ស្ថិតក្នុងភូមិបឹងត្រាច ឃុំចំការហ្លូង ស្រុក កំពង់សីលា ខេត្តព្រះសីហនុ ។ នៅថ្ងៃទី០៨ ខែមិថុនា ឆ្នាំ២០២៤ វេលាម៉ោង១០ និង០០នាទី
កម្លាំងជំនាញអធិការដ្ឋាននគរបាលស្រុកកំពង់សិលា បានទទួលព័ត៌មានពីលោកនាយប៉ុស្តិ៍ចំការហ្លួង ថាមានជនជាតិវៀតណាមម្នាក់បានវាយបំបែកកញ្ចក់រថយន្តម៉ាកAlphard ពណ៌ស ស្លាកលេខ 2AZ-2465 ខាងស្តាំផ្នែកខាងក្រោយ ឡូតចេញមកក្រៅ នៅចំណុចការ៉ាសាំង លីម ឡុង ស្ថិតក្នុងភូមិបឹងត្រាច ឃុំចំការហ្លួង ស្រុកកំពង់សិលា ខេត្តព្រះសីហនុ ។
ក្រោយពីកើតហេតុក្រុមជនសង្ស័យ
បានជិះរថយន្តខាងលើឆ្ពោះមកខេត្តព្រះសីហនុ លុះដល់ចំណុចជិតប៉ុស្តិ៍នគរបាលរដ្ឋបាលស្ទឹងឆាយក៏ ជនសង្ស័យផ្លុងរថយន្តចោល រួចនាំគ្នារត់គេចខ្លួនចូលទៅក្នុងព្រៃ ដោយទុកជនរងគ្រោះចំនួន ០២នាក់ទៀត ជនជាតិវៀតណាមនៅក្នុងរថយន្ត ។
ក្រោយពីទទួលបានដំណឹងភ្លាមនោះ កម្លាំងអធិការនគរបាលស្រុកកំពង់សីលាយើងខ្ញុំ បានសហការណ៍ជាមួយ ការិយាល័យនគរបាលព្រហ្មទណ្ឌកម្រិតធ្ងន់ ដឹកនាំដោយលោកឧត្តមសេនីយ៍ត្រី កួច ធារិទ្ធ ស្នងការរង ជួយការិយាល័យនគរបាលព្រហ្មទណ្ឌកម្រិតធ្ងន់ បានចុះធ្វើការស្រាវជ្រាវ និងរុករកពេញក្នុងព្រៃតែពុំទាន់រកឃើញ ។
ជនរងគ្រោះទាំង ៣នាក់រួមមាន៖
★ ១.ឈ្មោះ NGUYEN VAN VIET ភេទប្រុស ជនជាតិវៀតណាម អាយុ ២២ឆ្នាំ មុខរបរ បុគ្គលិកកុំព្យូទ័រ លិខិតឆ្លងដែន៖ គ្មាន។
★ ២.ឈ្មោះ NGUYEN THANH HUNG ភេទប្រុស អាយុ ២៦ឆ្នាំ ជនជាតិវៀតណាម មុខរបរ បុគ្គលិកកុំព្យូទ័រ លិខិតឆ្លងដែន៖ គ្មាន។
★ ៣.ឈ្មោះ HI XUAN HIEU ភេទប្រុស អាយុ ២០ឆ្នាំ ជនជាតិវៀតណាម មុខរបរ បុគ្គលិកកុំព្យូទ័រ លិខិតឆ្លងដែន៖ គ្មាន។
បច្ចុប្បន្ន ផ្នែកជំនាញបានបញ្ជូនជនរងគ្រោះចំនួន ០៣នាក់ប្រុស ជនជាតិវៀតណាម និងវត្ថុតាងរយន្តចំនួន ០១គ្រឿងខាងលើ ជូនមកការិយាល័យនគរបាលព្រហ្មទណ្ឌកម្រិតធ្ងន់ ដើម្បីបន្តនិតិវិធីតាមផ្លូវច្បាប់។
ដោយ លោកនី វ់ាន់នីន ០៨៧៧៥៨៨៦៦