លោកជំទាវ ពីររូប ដែលត្រូវបានព្រះមហាក្សត្រតែងតាំងជាអភិបាលខេត្ត រួមមាន លោកជំទាវ មិថុនា ភូថង បានក្លាយជាអភិបាលខេត្តស្ត្រីដំបូងបំផុតក្នុងប្រវត្តិសាស្ត្ររបស់កម្ពុជា ដោយលោកជំទាវត្រូវបានព្រះមហាក្សត្រ តម្លើងតំណែងពីអភិបាលរងខេត្ត ទៅជាអភិបាលខេត្តកោះកុង ជំនួសឯកឧត្តម ប៊ុន លើត តាមរយៈព្រះរាជក្រឹត្យមួយចុះថ្ងៃទី១៦ ខែមិថុនា ឆ្នាំ២០១៧។
លោកជំទាវ មិថុនា ភូថង បានឡើងកាន់តំណែងជាអភិបាលខេត្តកោះកុងផ្លូវការ តាមរយៈពិធីតែងតាំងប្រកាសតែងតាំងក្រោមអធិបតីភាពសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ នាថ្ងៃសុក្រ ទី២៣ ខែមិថុនា ឆ្នាំ ២០១៧។
និងទី២ គឺលោកជំទាវ បាន ស្រីមុំ អតីតតំណាងរាស្រ្តមណ្ឌលប៉ៃលិន ត្រូវបានព្រះមហាក្សត្រ ត្រាស់បង្គាប់តែងតែងជាអភិបាលខេត្តប៉ៃលិន នៅថ្ងៃទី ១៨ ធ្នូ ឆ្នាំ២០២០នេះ។
គួរបញ្ជាក់ថាលោកជំទាវ បាន ស្រីមុំ បានក្លាយជាអភិបាលខេត្តស្រ្តី ទី ពីរ បន្ទាប់ពីលោកជំទាវ មិថុនា ភូថង អភិបាលខេត្តកោះកុង ហើយឯកឧត្តម ផាន់ ចាន់ធុល អតីតអភិបាលខេត្តប៉ៃលិន ត្រូវបានតែងតាំង ជាអនុរដ្ឋលេខាធិការ នៃក្រសួងមហាផ្ទៃ៕