ហេតុការណ៍បំផ្ទុះគ្រាប់បែកដ៏រន្ធត់ នៅ រដ្ឋថេនេសស៊ី FBI បានស្គាល់អត្តសញ្ញាណជនសង្ស័យបំផ្ទុះគ្រាប់បែកនោះហើយ

ព័ត៌មានអន្តរជាតិថ្ងៃច័ន្ទុ ទី28 ខែធ្នូ ឆ្នាំ2020 ម៉ោង 9:07 នាទី ល្ងាច

បរទេស៖ កាលពីថ្ងៃអាទិត្យម្សិលមិញ(ទី២៧ ធ្នូ) សារព័ត៌មានដេលី មែល បានរាយការណ៍ព័ត៌មានអាប់ឌែត ករណីបំផ្ទុះគ្រាប់បែកកណ្ដាលទីក្រុងនែស្វ៊ីល រដ្ឋថេនេសស៊ី កាលពីអំឡុងពេលព្រឹកព្រលឹមថ្ងៃគ្រិស្តស្មាស់ ថា ក្រុមស៊ើបអង្កេតបានស្គាល់អត្តសញ្ញាណជនសង្ស័យបំផ្ទុះគ្រាប់បែកនោះហើយ គឺជាបុរសម្នាក់ អាយុ ៦៣ឆ្នាំ ឈ្មោះ អ៊ែនថូនី ឃ្វីនន៍ វ៉ននើរ ជាម្ចាស់រថយន្តប្រភេទ RV ដែលបំផ្ទុះគ្រាប់បែកនោះឯង។

37292954-0-ATF_and_law_enforcement_members_investigate_the_Christmas_Day_ex-a-13_1609093725404
លក្ខណៈបង្កហេតុ ស្រដៀងហាក់ដូចជា ត្រូវការបំផ្ទុះគ្រាប់បែកនោះដើម្បីផ្ដាច់ជីវិតខ្លួនឯង និងត្រូវបានគេសន្និដ្ឋានទៀតថា ដែលជនល្មើសរូបនេះ បើករថយន្តទៅបំផ្ទុះនៅមុខអគារការិយាល័យរបស់ក្រុមហ៊ុន AT&T (ជាក្រុមហ៊ុនទូរគមនាគមន៍ធំបំផុតរបស់សហរដ្ឋអាមេរិក) នោះ គឺមានចេតនាមិនល្អចំពោះក្រុមហ៊ុននោះ ព្រោះតែជឿថា ប្រព័ន្ធទំនាក់ទំនង 5G នឹងចូលស៊ើបការណ៍ពីជីវិតឯកជនរបស់ពលរដ្ឋអាមេរិកាំង។

37296262-0-Michelle_Swing_a_29_year_old_who_lives_in_Los_Angeles_but_previo-a-10_1609093725351
បន្ទាប់ពីនោះ ប៉ូលិសបាននាំកម្លាំងសម្រុកចូលឆែកឆេរផ្ទះរបស់ជនលើ្មសវ៉ននើរ និងរកឃើញព័ត៌មានលម្អិត ដែលកាន់តែចម្លែកខ្លាំងឡើងទៅទៀត។ ដោយពីដំបូង បានរកឃើញថា ផ្ទះ ២ខ្នងដែលត្រូវបានប៉ូលិសសម្រុកចូលឆែកឆេរនោះ ជនសង្ស័យដែលជាបុគ្គលនៅលីវ បានដំណើរការផ្ទេរទៅឱ្យស្ត្រីម្នាក់ឈ្មោះ លីហ្សា ស្វ៊ីង ជាស្ត្រីមេម៉ាយកូន២ វ័យ ២៩ឆ្នាំ មកពីទីក្រុងឡូសអ៊ែនជើលេស បែប Free តែម្ដង ដោយខាងស្រី មិនបានដឹងរឿងនេះទាល់តែសោះ។

nashville-bomb4
ផ្ទះដែលទើបនឹងដំណើរការផ្ទេរប្រគល់ឱ្យស្ត្រីមេម៉ាយម្នាក់នេះ កាលពីថ្ងៃទី២៥ វិច្ឆិកា ឆ្នាំនេះ មានតម្លៃប្រមាណ ១៦០ ០០០ដុល្លារ ចំណែក ១ខ្នងទៀត ក៏ត្រូវបានជនល្មើសវ៉ននើរ ប្រគល់ឱ្យ Freeៗ ដូចគ្នាដែរ តាំងពីខែមករា ឆ្នាំ២០១៩ ដែលមានតម្លៃ ២៤៩ ០០០ដុល្លារ។ សរុបទាំង ២ខ្នង មានតម្លៃសរុប ៤០៩ ០០០ដុល្លារ។

37286710-0-Warner_gave_his_160_000_house_away_for_nothing_a_month_before_th-a-7_1609093725265

ដោយឡែក កញ្ញា លីហ្សា ស្វ៊ីង បាននិយាយប្រាប់ទីភ្នាក់ងារព័ត៌មាន ដេលី មែលថា “តាមច្បាប់របស់រដ្ឋថេនេសស៊ី អ្នកអាចចុះហត្ថលេខាប្រគល់ទ្រព្យសម្បត្តិ ឱ្យទៅអ្នកណាក៏បានដែរ ដោយមិនចាំបាច់បានទទួលការយល់ព្រមពីអ្នកម្ខាងទៀតនោះទេ មិនចាំបាច់ចុះហត្ថលេខាទទួល ឬធ្វើអ្វីទាំងអស់…ខ្ញុំមិនបានទិញផ្ទះនេះទេ គាត់ប្រគល់ឱ្យខ្ញុំ ដោយទាំងខ្ញុំមិនបានដឹងខ្លួនទាល់តែសោះ…ខ្ញុំបានត្រឹមតែនិយាយថា វាជារឿងដែលចម្លែកខ្លាំងណាស់”
តែយ៉ាងណាក៏ដោយកញ្ញា លីហ្សា ស្វ៊ីង បានសុំមិននិយាយថា តើហេតុម៉េចបានស្គាល់ជនល្មើសវ៉ននើរ? តើមានអ្នកស្គាល់ ឬជាសាច់ញាតិពាក់ព័ន្ធនឹងគ្នា ឬក៏អត់នោះទេ ដោយនាងគ្រាន់តែនិយាយថា “ខ្ញុំបានផ្ដល់ព័ត៌មានលម្អិតគ្រប់យ៉ាងឱ្យទៅអាជ្ញាធរ FBI អស់ហើយ”

37292160-0-FBI_agents_swarmed_Warner_s_160_000_property_on_Saturday_morning-a-12_1609093725377
សូមរំឭកដែរថា ហេតុការណ៍បំផ្ទុះគ្រាប់បែកដ៏រន្ធត់ នាពេលព្រឹកព្រលឹមម៉ោង៦ និង ៤០នាទី ថ្ងៃគ្រិស្តស្មាស់(ទី២៥ធ្នូ) បានផ្ទុះចេញពីរថយន្តផ្ទះ ឬរថយន្តប្រភេទ RV ដែលបានបើកសំឡេងនិយាយដាស់តឿនថា “១៥នាទីទៀត នឹងគ្រាប់ផ្ទុះឡើង ចូរប្រញាប់រត់គេច…” ។ កម្លាំងផ្ទុះរបស់គ្រាប់បែកដ៏ធំនោះ បានធ្វើឱ្យមនុស្សរងរបួសយ៉ាងតិចណាស់ ៣នាក់ និងខូចខាតអគារដែលនៅក្នុងបរិវេណនោះអស់ ៤០ខ្នង៕