(ខេត្តព្រះសីហនុ)៖ ប្រជាពលរដ្ឋរងគ្រោះដោយសារខ្យល់កន្ត្រាក់ដួលរលំផ្ទះ ១គ្រួសារ រស់នៅ ភូមិព្រៃនប់២ ឃុំព្រៃនប់ ស្រុកព្រៃនប់ ខេត្តព្រះសីហនុ ទទួលអំណោយ ពីសាខាកាកបាទក្រហមខេត្តព្រះសីហនុ នាព្រឹកថ្ងៃទី៩ ខែកក្កដាឆ្នាំ ២០២១។
ការផ្ដល់អំណោយមនុស្សធម៌នាពេលនេះ តាមរយៈលោក គួច ចំរើន ប្រធានគណៈកម្មាធិការសាខាកាកបាទក្រហមខេត្ត បានចាត់ឲ្យមន្រ្តីសាខាកាកបាទក្រហមចុះចែកជូនផ្ទាល់ដែលកំពុងជួបការលំបាកខ្វះខាត ជីវភាពប្រចាំថ្ងៃ។
ក្នុងនាមសាខាកាកបាទក្រហមខេត្ត បាននាំយកនូវការសាកសួរសុខទុក្ខពី សម្ដេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាតែងតែគិតគូរអំពីសុខទុក្ខរបស់បងប្អូនប្រជាពលរដ្ឋ ដែលមានទុក្ខលំបាកដោយគ្រោះធម្មជាតិដូចជាខ្យល់កន្ត្រាក់គ្រោះរាំងស្ងួត ទឹកជំនន់ ប្រជាពលរដ្ឋក្រីក្រ គ្មានទីពឹង ជនចាស់ជរាជាក្មេងកំព្រាជាដើម ។ល។ដោយមិនប្រកាន់បក្ខពួកនិន្នាការនយោបាយអ្វីឡើយ ទីណាមានទុក្ខលំបាកគឺកាកបាទក្រហមជួយគ្រប់ពេលវេលា៕