ទីតាំង សរុបចំនួន ៥ទីតាំងបានដំណើរការយុទ្ធនាការទ្រង់ទ្រាយធំចាក់វ៉ាក់បង្ការជំងឺកូវីដ-១៩ជូនប្រជាពលរដ្ឋ
ក្រុងព្រះសីហនុ-លោកអ៊ី សុខឡេងអភិបាលក្រុងព្រះសីហនុឲ្យដឹងថា នៅព្រឹកថ្ងៃទី២២ ខែមិថុនា ឆ្នាំ២០២១ ក្រុងព្រះសីហនុ បានដំណើរការយុទ្ធនាការចាក់វ៉ាក់បង្ការជំងឺកូវីដ-១៩ ជូនបងប្អូនប្រជាពលរដ្ឋ បន្ថែម ៣ទីតាំងទៀត សរុបចំនួន ៥ទីតាំង ចាប់ពីម៉ោង ៨:០០នាទីព្រឹក ដល់ម៉ោង ៥:០០នាទីល្ងាច មានដូចខាងក្រោម៖
- ទីតាំងទី១ នៅសាលាបឋមសិក្សា វិទ្យាល័យ ហ៊ុនសែន ឃ្លាំងលើ (ចាក់វ៉ាក់សាំងជូនប្រជាពលរដ្ឋរស់នៅភូមិ១-២-៣នៃសង្កាត់លេខ១)
- ទីតាំងទី២ នៅសាលាបឋមសិក្សា អនុវិទ្យាល័យ តេជោសែន កម្មករ (ចាក់វ៉ាក់សាំងជូនប្រជាពលរដ្ឋរស់នៅភូមិ២-៣-៤ នៃសង្កាត់លេខ៤)។
- ទីតាំងទី៣ នៅសាលាបឋមសិក្សា អនុវិទ្យាល័យ សាគូរ៉ា (សម្រាប់ចាក់វ៉ាក់សាំងជូនប្រជាពលរដ្ឋរស់នៅភូមិ៣ “ទំនប់រលក” នៃសង្កាត់លេខ១)។
- ទីតាំងទី៤ នៅសាលាអនុវិទ្យាល័យ សម្តេចឪ (សម្រាប់ចាក់វ៉ាក់សាំងជូនប្រជាពលរដ្ឋរស់នៅភូមិ១-២-៣ នៃសង្កាត់លេខ២ និងប្រជាពលរដ្ឋរស់នៅភូមិ១-២-៣ នៃសង្កាត់លេខ៣)។
- ទីតាំងទី៥ នៅសាលាបឋមសិក្សា វិទ្យាល័យ ហ៊ុនសែន មិត្តភាព (សម្រាប់ចាក់វ៉ាក់សាំងជូនប្រជាពលរដ្ឋរស់នៅភូមិ១-៥-៦ នៃសង្កាត់លេខ៤)។
លោកអភិបាលក្រុងជូនជាដំណឹងបន្ថែមថា បងប្អូនប្រជាពលរដ្ឋដែលបានទទួលប័ណ្ណចាក់វ៉ាក់សាំងបង្ការជំងឺកូវីដ-១៩ និងទម្រង់ពាក្យស្នើរសុំចាក់វ៉ាក់សាំងបង្ការជំងកូវីដ-១៩ សូមបងប្អូនអញ្ជើញទៅទីតាំងចាក់វ៉ាក់សាំងនៅតាមទីតាំង ដែលបានកំណត់ខាងលើដោយភ្ជាប់មកជាមួយនូវឯកសារបញ្ជាក់អត្តសញ្ញាណមានដូចជា អត្តសញ្ញាណប័ណ្ណសញ្ជាតិខ្មែរ ឬ សំបុត្រកំណើត ឬ សៀវភៅស្នាក់នៅ ឬ លិខិតឆ្លងដែន ដើម្បីបង្ហាញដល់ក្រុមការងារនៅទីតាំងចាក់វ៉ាក់សាំង ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម