ខេត្តព្រះសីហនុ៖ ឯកឧត្តម គួច ចំរើន ប្រធានគណកម្មាធិការសាខាកាកបាទក្រហមកម្ពុជា ខេត្តព្រះសីហនុ ព្រឹកថ្ងៃសៅរ៍ ៣កើត ខែ បឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១២ ខែមិថុនា ឆ្នាំ២០២១បានអញ្ជើញទទួលអំណោយពីសប្បុរជនដែលបានឧបត្ថម្ភនៅគ្រឿងឧបភោគបរិភោគនិងថវិកាប្រគល់ជូនសាខាកាកបាទក្រហមកម្ពុជា ខេត្តព្រះសីហនុ ដើម្បីសម្រាប់ប្រើ ប្រាស់ ក្នុង វិធានការប្រយុទ្ធប្រឆាំងទប់ស្កាត់ និងគ្រប់គ្រងជំងឺកូវីដ-១៩ក្នុងព្រឹត្តិការណ៍(សហគមន៍ ២០កុម្ភៈ)ដែលកំពុងរីករាលដាលនៅក្នុងខេត្តព្រះសីហនុ។
ថ្លែងក្នុងឪកាសនោះឯកឧត្តម គួច ចំរើន បានមានប្រសាសន៏ថា អំណោយទាំងអស់នេះ សាខា កាកបាទក្រហមកម្ពុជា ខេត្តព្រះសីហនុ យកទៅចែកជូនបន្តជូនដល់ប្រជាពលរដ្ឋរងគ្រោះ ដែលជួបការលំបាកដោយគ្រោះធម្មជាតិ និងគ្រោះមហន្តរាយផ្សេងៗ ហើយក្នុងការបរិច្ចាក ថវិកាប្រគល់ជូនដល់សាខាកាកបាទក្រហមកម្ពុជាខេត្តព្រះសីហនុក្នុងឱកាសខួបលើកទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ឆ្នាំ២០២១ ក្រោមប្រធានបទ «ទាំងអស់គ្នាចូលរួមជាមួយកាកបាទក្រហមកម្ពុជា ប្រយុទ្ធ និងជំងឺកូវីដ-១៩ ព្រមទាំងកសាង ភាពធន់របស់សង្គមជាតិ»។
អំណោយដែលសប្បុរសជនពីមនុស្សធម៌ បាននាំយកមកក្នុងថ្ងៃនេះនៅថវិកា និង គ្រឿង ឧបភោគបរិភោគប្រគល់ជូនមកសាខាកាកបាទក្រហមកម្ពុជា ខេត្តព្រះសីហនុ ដែល បាន មកពី៖១.ឯកឧត្តម លូ គឹមឈន់ ប្រតិភូរាជរដ្ឋាភិបាល ទទួលបន្ទុកជា ប្រធាន អគ្គនាយកកំពង់ផែស្វយ័ត ក្រុងព្រះសីហនុ និងលោកជំទាវ ដែលបានបរិច្ចាគថវិកាចំនួន ៣០.០០០ដុល្លារអាមេរិក(បីម៉ឺនដុល្លារអាមេរិក)។២.ស្នងការដ្ឋាននគរបាល ខេត្តព្រះសីហនុ ដែលបានបរិច្ចាគថវិកាចំនួន ១៥.០០០.០០០ រៀល (ដប់ប្រាំលានរៀល)។៣.លោក សន ស៊ីផល ប្រធានសាខាពន្ធដារ ខេត្តព្រះសីហនុ ដែលបានបរិច្ចាគថវិកាចំនួន ១០.០០០.០០០ រៀល (ដប់លានរៀល)។៤.លោក ប៉ែត ចក់ អនុប្រធានសាខាពន្ធដារ ខេត្តព្រះសីហនុ ដែលបានបរិច្ចាគថវិកាចំនួន ១.០០០.០០០ រៀល (មួយលានរៀល)។៥.លោក យស់ សុធា ប្រធានមន្ទីរប្រៃសណីយ៍ និងទូរគមនាគមន៍ ខេត្តព្រះសីហនុ ដែលបានបរិច្ចាគថវិកាចំនួន ១.០០០.០០០ រៀល (មួយលានរៀល)។៦.មន្ទីរប្រៃសណីយ៍ និងទូរគមនាគមន៍ ខេត្តព្រះសីហនុ ដែលបានបរិច្ចាគថវិកាចំនួន ៥០០.០០០ រៀល (ប្រាំរយពាន់រៀល)។៧.លោកឧកញ៉ា សុខ ហេង និងលោកជំទាវ ដែល បាន បរិច្ចាគ ទឹកត្រី ៥០០យួរ និងទឹកស៊ីអ៊ីវ ៥០០យួរ។៨.លោក តី វិសាល និងមន្រ្តី អធិ ការ ដ្ឋាននគរបាល ក្រុងព្រះសីហនុ ដែលបានបរិច្ចាគថវិកាចំនួន ១.៥០០.០០០ រៀល (មួយ លាន ប្រាំរយពាន់រៀល)។៩.លោក ផែន សុខន និងលោកស្រី ម្ចាស់ផ្សារ កង កេង ឃុំរាម ស្រុក ព្រែ នប់ ដែលបានបរិច្ចាគថវិកាចំនួន ៨.០០០.០០០ រៀល (ប្រាំបីលានរៀល)។១០.លោក វ៉ាន់ សុខជា និងភរិយា ដែលបានបរិច្ចាគថវិកាចំនួន ១.០០០ ដុល្លារអាមេរិក (មួយពាន់ ដុល្លារ អា មេរិក)៕