ក្រុមអ្នកសារព័ត៏មានសាខាខេត្តព្រះសីហនុ សាកសួរសុខទុក្ខ បណ្ឌិត ចាន់ សំអាន ដែលកំពុងសំរាកព្យាបាលជំងឺនៅមន្ទីពេទ្យឯកទេសមង្គល

ព័ត៌មានសង្គមថ្ងៃអាទិត្យ ទី16 ខែឩសភា ឆ្នាំ2021 ម៉ោង 3:27 នាទី ល្ងាច

ខេត្តព្រះសីហនុ៖ ថ្លែងក្នុងឪកាសជួបសំណេះសំណាល និង សាកសួរសុខទុក្ខ ដល់បណ្ឌិត ចាន់ សំអាន អតីតៈសាស្រ្តាចារ្យ នៃសាកលវិទ្យាល័យ UME សាខាខេត្តព្រះសីហនុ និង សាកលវិទ្យាល័យព្រះសីហនុរាជ លោក ឈុន សារុំនិងក្រុមអ្នកសារព័ត៏មានសាខាខេត្តព្រះសីហនុបានសម្តែងនូវការក្តុកក្តួលរញ្ជួលចិត្ត នៅពេលបានឃើញស្ថានភាពជំងឺលោក បណ្ឌិតធ្ងន់ធ្ងរ ដែលមិននឹកស្មានដល់ បើទោះបីជាពេលនេះបានធួស្បើយប្រមាណ៦០% យ៉ាងណាក្តី។

លោក ឈុន សារុំ អនុប្រធានសភាពាណិជ្ជកម្ម និងក្រុមអ្នកសារព័ត៏មានសាខាខេត្តព្រះសីហនុ បានជូនពរលោក បណ្ឌិតអោយឆាប់ជាសះស្បើយពីជំងឺនេះ(ជំងឺបូសអន្ទុង) ដែលជំងឺនេះស្ទើនឹងឆក់យកជីវិត លោក បណ្ឌិតទៅហើយ ។ការធូរស្បើយនេះគឺដោយសារ តែមានជួយជ្រោមជ្រែង ជួយសង្គ្រោះបន្ទាន់ពីលោកវេជ្ជបណ្ឌិត អេង ចំរើន ឯកទេសជម្ងឺបេះដូង និងសរសៃឈាម និងក្រុមវ:កាត់ និងជាស្ថាបនិក និងនាយកគ្លីនិក ឯកមង្គល ខេត្តព្រះសីហនុ ក៏ដូចជាស្បុរសជនជាច្រើន ទាំងក្នុងនឹងក្រៅប្រទេស។លោក ឈុន សារុំ ក៏សូមបូងសួងសូមអោយវត្ថុស័កសិទ្ឋតាមថែរក្សាលោកបណ្ឌឹតអោយជៀសផុតអំពីគ្រោះចង្រៃនេះព្រោះលោកបណ្ឌិត ជាបញ្ញាវ័ន្តនិងជាធនធានមនុស្សដ៏សំខាន់មួយរូបក្នុងចំណោម បញ្ញាវ័ន្តរបស់កូនខ្មែរជាច្រើនទៀត។

ឆ្លើយតបក្នុងឪកាសនោះ លោកបណ្ឌិត ចាន់ សំអាន បានលើកដៃសំពះ ថ្លែងអំណរគុណដល់លោក ឈុន សារុំ ប្រធានសម្ព័ន្ឋអ្នកសារព័ត៏មានសាខាខេត្តព្រះសីហនុដែលបានជួយឧបត្ថម្ភនូវថវិកាមួយចំនួន សម្រាប់បន្ឋូរក្នុងការចំណាយទៅលើថ្លៃព្យាបាលជំងឺរបស់លោក ដែលកំពុងសម្រាកព្យាបាលនៅមន្ទីរពេទ្យឯកជនមួយ នាខេត្តព្រះសីហនុបើទោះបីតិចក្តីច្រើនក្តី។

លោកបណ្ឌិត ចាន់ សំអាន បញ្ជាក់ថា ចំពោះសុខភាព របស់លោក ពេលនេះ បានធូរស្បើយប្រមាណ ៦០ភាគរយរួចហើយ។ ជាពិសេសសូមថ្លែងអំណរគុណ លោកវេជ្ជបណ្ឌិត អេង ចំរើន ឯកទេសជម្ងឺបេះដូង និងសរសៃឈាម និងក្រុមវ:កាត់ និងជាស្ថាបនិក និងនាយកគ្លីនិក ឯកមង្គល ដែលមានទីតាំងនៅភូមិ៣ សង្កាត់១ ក្រុងខេត្ត ព្រះសីហនុ ដែលបានយកចិត្តទុកដាក់ព្យាបាលរូបខ្ញុំបាទ អោយចាកផុតពីគ្រោះបាត់បង់ជីវិតក្នុងសម័យកាលរោគរាតត្បាតកូវីដ១៩។ សូមលោកវិជ្ជបណ្ឌិត អេង ចំរើន ជាប្រធានក្រុមយុវជនក្រុម៨ ខេត្តព្រះសីហនុ ទទួលនូវការដឹងគុណពីខ្ញុំ សាស្រ្តាចារ្យ ចាន់ សំអាន និងជាទីប្រឹក្សានៃសម្ព័ន្ធអ្នកសារព័ត៌មានខេត្តព្រះសីហនុ ដោយគោរពរាប់អាន ដ៏ខ្ពង់ខ្ពស់បំផុត។