កញ្ញា មាន ពេជ្ររីតា ពិធីការិនីទូរទស្សន៍ My TV និងជាអតីតបេក្ខនារី Miss Grand Cambodia នៅថ្ងៃទី១១ ខែឧសភា ឆ្នាំ២០២១ បានសម្រេចដាក់ពាក្យប្តឹង ឧកញ៉ា ហេង សៀ ពីបទប៉ុនប៉ងរំលោភសេពសន្ថវៈ នៅក្នុងរថយន្ត។

ករណីប៉ុនប៉ងរំលោភសេពសន្ថវៈនេះ បានកើតឡើងកាលពីរសៀលថ្ងៃទី០៤ ខែឧសភា ឆ្នាំ២០២១ នៅក្បែរផ្សារគីឡូលេខ៤ ខណ្ឌទួលគោក រាជធានីភ្នំពេញ បន្ទាប់ពីឧកញ៉ា ហេង សៀ បានហៅទូរស័ព្ទឱ្យនាងទៅជួបដើម្បីផ្តល់អំណោយជូននាង ដើម្បីចែកបន្តដល់អ្នករងគ្រោះដោយការរាលដាលជំងឺកូវីដ១៩ និងហៅឱ្យចូលក្នុងរថយន្តរបស់គាត់ ដើម្បីពិភាក្សាការងារ។ នេះបើតាមពាក្យបណ្តឹង កញ្ញា មាន ពេជ្ររីតា ។

កញ្ញា មាន ពេជ្ររីតា នៅយប់ថ្ងៃកើតហេតុនាងត្រូវឧកញ៉ាហេងសៀចោទថាប៉ងធ្វើឃាតនិងលួចទូរសព្ទ័គាត់ហើយត្រូវនគរបាលខណ្ឌទួលគោកចាប់ឃាត់ខ្លួន២ថ្ងៃហើយបញ្ជូនមកតុលាការត្រូវតុលាការឃុំខ្លួនភ្លាមៗដូចជាឧក្រឹដ្ឋជន??។សូមបញ្ជាក់ថាករណីនេះមានប្រតិកម្មគាំទ្រកញ្ញាមានពេជ្ររីតាពីក្រុមអ្នកសិល្បះករដូចជាអ្នកនាងចនចន្ទ័លក្ខិណាអ្នកនាងឱកសុគន្ធកញ្ញានិងមហាជនជាច្រើនដោយគេយល់ថាវាជារឿងអយុត្តិធម៍។