ខេត្តស្វាយរៀង៖ កាលពីល្ងាចនៅថ្ងៃទី១ ខែឧសភា ឆ្នាំ២០២១ស្ថិតនៅភូមិកោះឫស្សី ឃុំទួលស្ដី ស្រុកចន្រ្ទា។ ឃាត់ខ្លួនបុរសសង្ស័យម្នាក់ ករណីរំលោភសេពសន្ថវ:ទៅលើក្មេងស្រីមិនទាន់គ្រប់អាយុម្នាក់ រហូតបានសម្រេចតាមពាក្យបណ្ដឹងរបស់ឪពុកក្មេងស្រីរងគ្រោះ។

បុរសសង្ស័យមានឈ្មោះសាង វ៉ាង ហៅ ជូញ អាយុ ៧០ឆ្នាំ មុខរបរកសិកររស់នៅភូមិកោះឬស្សី ឃុំទួលស្តី ស្រុកចន្រ្ទា ។ ចំណែកក្មេងស្រីរងគ្រោះមានអាយុ ១៤ ឆ្នាំរស់នៅស្រុកចន្ទ្រា។

ប្រភពបន្តថាកាលពីវេលាម៉ោង៤និង២០នាទី ល្ងាចថ្ងៃទី១ ខែឧសភាឆ្នាំ២០២១ ប្រជាពលរដ្ឋឈ្មោះ អូម ព្រីងភេទប្រុស បានទូរស័ព្ទប្តឹងទៅលើបុរសសង្ស័យឈ្មោះ សាង វ៉ាង ហៅ ជូញ បានរំលោភសេពសន្ថវ:ទៅលើកូនស្រីរហូតបានសម្រេច។

សមត្ថកិច្ចប៉ុស្តិ៍រដ្ឋបាលឃុំទួលស្ដី បានចុះដល់កន្លែងកើតហេតុហើយសួរនាំបុរសសង្ស័យបាន សារភាពថាខ្លួនពិតជាបានធ្វើសកម្មភាពរំលោភលើក្មេងស្រីពិតប្រាកដមែន។ ជនសង្ស័យត្រូវបានសមត្ថកិច្ចនគរបាលប៉ុស្តិ៍កសាងសំណុំរឿង បញ្ជូនមកកាន់អធិការដ្ឋាននគរបាលស្រុកចន្ទ្រាចាត់ការបន្តតាមច្បាប់ ៕