(ខេត្តព្រះសីហនុ)៖ លោកអនុសេនីយ៍ឯក ម៉ែន វណ្ណា មេបញ្ជាការស្តីទីមូលដ្ឋានកងរាជអាវុធហត្ថស្រុកព្រៃនប់បានអោយដឹងថានៅព្រឹក ថ្ងៃទី២៤ ខែមេសា ឆ្នាំ២០២១នេះ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានអញ្ជើញចុះត្រួតពិនិត្យស្ថានភាព និងណែនាំឱ្យកងកម្លាំងមូលដ្ឋានកងរាជអាវុធហត្ថស្រុកព្រៃនប់ ដែលឈរជើងប្រចាំការ បំពេញភារកិច្ច ត្រូវបន្តយកចិត្តទុកដាក់ខ្ពស់ ប្រកបដោយស្មារតីប្រុងប្រយ័ត្ន ចូលរួមសហការឱ្យបានល្អប្រសើរជាមួយកម្លាំងគណៈបញ្ជាការឯកភាពរដ្ឋបាលស្រុក ដោយអនុវត្តតាមបទបញ្ជាយ៉ាងម៉ឹងម៉ាត់ និងសេចក្តីជូនដំណឹងរបស់រដ្ឋបាលខេត្តព្រះសីហនុ ដើម្បីទប់ស្កាត់ការរីករាលដាលជំងឺឆ្លងរាតត្បាតកូវីដ-១៩ ទៅក្នុងសហគមន៍ នៅគោលដៅចំណុចត្រពាំងរពៅព្រំប្រទល់ខេត្តព្រះសីហនុ និងខេត្តកំពត។
ជាមួយគ្នានេះ លោកឧត្តសេនីយ៍ត្រីមេបញ្ជាការបាននាំយកនូវគ្រឿងឧបភោគ បរិភោគ និងថវិកាមួយចំនួនទៅឧបត្ថម្ភកងកម្លាំងរួមមាន៖
១.ថវិកាចំនួន ២លានរៀល
២.ម៉ាស់ចំនួន ៣០០០ម៉ាស់
៣.អង្ករ ២០០គីឡូ
៤.មី ២កេះធំ
៥.ត្រីខ ១កេះធំ
៦.ទឹកបរិសុទ្ធ ៣០យួរ
៧.មេក្រូ ១
៨.ស្រោមដៃជ័រសុវត្ថិភាព ១៥
៩.ដបបាញ់អាកុល ២ ៕