(ខេត្តព្រះសីហនុ)៖ នៅវេលាម៉ោង១១និង០០នាទី ថ្ងៃទី២៦ ខែមីនា ឆ្នាំ២០២១ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានទទួលជួបស្វាគន៍ជាមួយ លោកអគ្គនាយក នៃសណ្ឋាគារអន្តរជាតិ អាលីយ៉ា ប្រធានសមាគមចិន ខេត្តហ៊ូណាន ដែលបាននាំយកនូវគ្រឿងឧបភោគ បរិភោគមួយចំនួន រួមមាន:ទឹកបរិសុទ្ធ ចំនួន១២០កេស និងមី ចំនួន៦០កេសធំឧបត្ថម្ភជូនបញ្ជាការដ្ឋានកងរាជអាវុធហត្ថខេត្តព្រះសីហនុ សម្រាប់យកទៅប្រើប្រាស់តាមតម្រូវការចាំបាច់ចំពោះមុខ ក្នុងដំណាក់ការប្រយុទ្ធប្រឆាំងនឹងជំងឺឆ្លងរាតត្បាតជាសកលដ៏កាចសាហាវ កូវីដ-១៩ ។
ក្នុងឱកាសនេះដែរ លោកឧត្តមសេនីយ៍ត្រី មេបញ្ជាការ បានថ្លែងអំណរយ៉ាងជ្រាលជ្រៅចំពោះទឹកចិត្តដ៏ល្អប្រពៃ ការចេះចែករំលែកជួយគ្នាក្នុងកាល:ទេស:ជួបការលំបាក របស់លោកអគ្គនាយក នៃសណ្ឋាគារអន្តរជាតិ អាលីយ៉ា និងសហការី និងឆ្លៀតពេលដ៏មានតម្លៃ នាំយកនូវអំណោយសប្បុរសធម៌ ជូនកងកម្លាំងកងរាជអាវុធហត្ថខេត្តព្រះសីហនុ និងសូមជូនពរឱ្យអស់លោក លោកស្រីព្រមទាំងក្រុមគ្រួសារ ជួបប្រទះតែពរជ័យទាំង ០៥ប្រការ និងជៀសឆ្ងាយផុតពីជំងឺឆ្លងរាតត្បាតជាសកលដ៏កាចសាហាវកូវីដ-១៩៕