(ក្រុងព្រះសីហនុ)៖ មានករណីភ្ញាក់ផ្អើលមួយកើតឡើងដោយមានបុរសជនជាតិចិនម្នាក់ធ្លាក់ពីលើអាគារកំពុងសាងសងមួយកន្លែងបណ្តាលស្លាប់ យ៉ាងអណោចអធម័ ។

ករណីខាងលើកើតហេតុនៅវេលាម៉ោងជាង១០ព្រឹកថ្ងៃទី០៥ ខែមិនា ឆ្នាំ២០២១ នៅចំណុចអាគារកំពុងសាងសង ស្ថិតក្នុងភូមិ៤សង្កាត់៤ ក្រុងព្រះសីហនុ ខេត្តព្រះសីហនុ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា ដំបូងឡើយគេឃើញជនរងគ្រោះខាងលើជាកម្មករសំណង់កំពុងធ្វើការជាធម្មតា លុះមួយសន្ទុះក្រោយមកក៏រអិលដែករទា ដែលគាត់បានឈរលើនោះ បណ្តាលធ្លាក់មកដីបោកក្បាលបាក់ដៃជើង ស្លាប់មួយរំពេច ។

ភ្លាមៗនោះសមត្ថកិច្ចក៏បានមកដល់ទីតាំងកន្លែងកើតហេតុ ដើម្បីធ្វើការអន្តរាគមន៍ស្រាវជ្រាវបន្ត និងបានបញ្ជូនសពជនរងគ្រោះទៅពេទ្យបង្អែកខេត្តព្រះសីហនុ រងចាំការពិនិត្យកោសល្យវិច្ច័យនៅពេលក្រោយ ៕