(ក្រុងព្រះសីហនុ)៖ មានករណីអគ្គីភ័យឆាបឆេះបន្ទុះក្តាកុងផ្លាកគារមួយកើតឡើង បង្កឲ្យមានការភ្ញាក់ផ្អើលដល់សមត្ថកិច្ច នៅវេលាម៉ោង០២:០០នាទីរសៀលថ្ងៃទី០៤ ខែកុម្ភះ ឆ្នាំ២០២១នេះ
ស្ថិតក្នុងភូម៦ សង្កាត់៤ ក្រុងព្រះសីហនុ ខេត្តព្រះសីហនុ ។
ក្រោយពីទទួលបានព័ត៌មាននេះ សមត្ថកិច្ច បានចេញរថយន្តពន្លត់អគ្គីភ័យជាច្រើនគ្រឿង ចុះអន្តរាគមន៍ភ្លាមៗ ក្នុងនោះមានរថយន្តពន្លត់អគ្គីភ័យរបស់ស្នងការនគរបាលខេត្ត និងរថយន្តពន្លត់អគ្គីភ័យរបស់អាវុធហត្ថខេត្តព្រះសីហនុ ។
បើតាមការបញ្ជាក់ពីសមត្ថកិច្ចបានឲ្យដឹងថា មូលហេតុនៃការឆាបឆេះនេះគឺ ដំបូងឡើយបណ្តាលមកពីមានអ្នកដុតស្មៅ ហើយទើបង្កឲ្យឆាបឆេះរាលដាលដល់បន្ទុះក្តាកុងផ្លាកគារ ដែលក្រុមហ៊ុនចិនបានគរទុកចោលក្នុងដីឡូត៍នោះ ៕