ខេត្តកណ្តាល៖ ទោះក្នុងកាលៈទេសៈ ណាក៍ដោយ វិស័យ ពុទ្ធចក្រ និងអាណាចក្រ ដើរទន្ទឹមគ្នា មិនអាចកាត់ផ្តាច់ មួយណាបានឡើយ ក្នុងការងារចូលរួម អភិវឌ្ឍន៍ សង្គមជាតិ ។
ជាក់ស្ដែងនៅព្រឹកថ្ងៃទី២១ ខែមករាឆ្នាំ២០២១ នេះសម្ដេចព្រះមង្គលទេព្វាចារ្យ វង្ស អានេតា ព្រះសង្ឃនាយករង ព្រះមេគណគណធម្មយុត្តិកនិកាយខេត្តកណ្តាល និងជាព្រះចៅអធិការវត្តព្រះឥន្ទសាមគ្គីធម៌ បាននាំយកបច្ច័យចំនួន ១០លានរៀល មកប្រគល់ជូនសាខាកាកបាទក្រហមកម្ពុជា ខេត្តកណ្តាល ដើម្បីរួមចំណែកក្នុងការងារមនុស្សធម៌។

ឯកឧត្តម គង់ សោភ័ណ្ឌ អភិបាលខេត្ត និងជាប្រធានគណៈកម្មាធិការ សាខាកាកបាទក្រហម ខេត្តកណ្តាល បានថ្លែងអំណរព្រះគុណ យ៉ាងជ្រាលជ្រៅបំផុតចំពោះទឹកព្រះទ័យដ៏ថ្លៃថ្លា ពោរពេញដោយសទ្ធាជ្រះថ្លា របស់សម្តេច ព្រះមង្គលទេពាចារ្យ ដែលបាននាំយកបច្ច័យដ៏សប្បុរសធម៌នេះ យកទៅប្រគល់ជូនសាខាកាកបាទក្រហម ខេត្តកណ្តាលនាពេលនេះ។

ឯកឧត្តម ប្រធានសន្យាថា និងយកបច្ចយ័ដ៍សប្បុរសធម៏ ថ្លៃថ្លានេះប្រើប្រាស់អោយចំទឹសដៅ ក្នុងការជួយសង្គ្រោះ ជនរងគ្រោះដោយគ្រោះមហន្តរាយផ្សេងៗដោយមិនប្រកាន់ ពូជសាសន៍ វណ្ណៈ ពណ៌សម្បុរ សាសនា ឬនិន្នាការនយោបាយអ្វីឡើយ។