លើកដែក៖ ក្នុងឱកាស ជួបសំណេះសំណាល លោកគ្រូ អ្នកគ្រូ សិស្សានុសិស្ស និងពិនិត្យមើលស្ថានភាពអគារសិក្សានៅអនុវិទ្យាល័យ ក្អមសំណរ ស្រុកលើកដែក នៅរសៀល ថ្ងៃទី ២០ ខែមករា នេះ ឯកឧត្តម គង់ សោភណ្ឌ័ អភិបាលខេត្ត កណ្តាល បានលើកទឹកចិត្ត អោយសិស្សានុសិស្ស ខិតខំ ប្រឹងប្រែង រៀនសូត្រ ដើម្បីប្រែក្លាយជាសិស្សល្អ មិត្តល្អកូនល្អ ដើម្បីជាសរសរទ្រូង សំរាប់ទ្រទ្រង់ប្រទេសជាតិ។

ក្នុងឱ្យកាសនោះ ឯកឧត្ដមអភិបាលខេត្ត បានអំពាវនាវដល់លោកគ្រូ អ្នកគ្រូ និងសិស្សានុសិស្ស ត្រូវបន្តយកចិត្តទុកដាក់ការពារ ទប់ស្កាត់ ការឆ្លងរីករាលដាលនៃជំងឺកូវីដ-១៩ ឆ្លងចូលក្នុងសហគមន៍ ដោយប្រកាន់ខ្ជាប់ នូវការណែនាំរបស់រាជរដ្ឋាភិបាល និងវិធានសុវត្តិភាពរបស់ក្រសួងសុខាភិបាល ដើម្បីសុខភាពផ្ទាល់ខ្លួនផង សហគមន៍ផង និងសង្គមជាតិផងដែរ។