ខេត្តកណ្ដាល៖ ឯកឧត្តម គីម រិទ្ធី អភិបាលរងខេត្តកណ្តាល បានចូលរួមជួបសំណេះសំណាលជាមួយនឹងមន្ត្រីនៃមន្ទីរបរិស្ថានខេត្តកណ្តាលដើម្បីស្វែងយល់ពីភាពលំបាក និងភាពងាយស្រួលក្នុងការអនុវត្តការងារបរិស្ថានកន្លងមក ថាតើមានបញ្ហាប្រឈម តម្រូវការអ្វីខ្លះក្នុងដែនសមត្ថិកិច្ចរបស់ខ្លួន ដើម្បីអោយថ្នាក់ដឹកនាំខេត្តកណ្តាលដោះស្រាយ និងសម្រួលជូន នៅថ្ងៃទី២០ ខែមករា នេះ ។
ខណៈជួបសំណេះសំណាលនេះដែរ ឯកឧត្តមអភិបាលរងខេត្ត ក៏បានកោតសរសើរ ពីការខិតតខំប្រឹងប្រែងរបស់មន្ត្រីនៅមន្ទីរបរិស្ថានខេត្តកាលពីពេលកន្លងមក ដែលបានយកចិត្តទុកដាក់ក្នុងការសហការ ការងារជាមួយរដ្ឋបាលខេត្តកណ្តាល ដើម្បីធ្វើអោយប្រសើរឡើងទាក់ទងនឹងវិស័យបរិស្ថានក្នុងខេត្ត ។