ខេត្តពោធិ៍សាត់ រសៀលថ្ងៃទី១២ ខែមករា ឆ្នាំ២០២១ កម្មកររោងចក្រតៃអុីហ្សុី ស្រុកក្រគរ ខេត្តពោធិ៍សាត់ បានធ្វេីកូដកម្មបិទផលូវជាតិលេខ៥អស់រយៈពេល១ម៉ោង ចាប់ពីម៉ោង១៣:៣០នាទី រហូតដល់ម៉ោង១៤:៣០នាទី ដេីម្បីធ្វេីការតវ៉ាជាមួយថៅកែរោងចក្រ ពាក់ព័ន្ធនិងបញ្ហាទាមទារការបេីកប្រាក់បំណាច់ឆ្នាំ និងប្រាក់លេីកទឹកចិត្ត ដែលរោងចក្រធ្លាប់បានសន្យានាពេលកន្លងមក ។
ក្រោយពេលបិទផ្លូវធ្វេីកូដកម្មអស់រយៈពេល១ម៉ោង ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងលោក អុឹង គឹមលាង អភិបាលរងខេត្ត បានអញ្ជេីញមកដល់ធ្វេីការសម្របសម្រួលអស់រយៈពេល៣០នាទី កម្មករដែលធ្វេីកូដកម្មបិទផ្លូវត្រូវបានរំសាយក្រោមការសម្របសម្រួលរបស់ ឯកឧត្តម ម៉ៅ ធនិន និងលោក អុឹង គឹមលាង ។
ចុងក្រោយកម្មកររោងចក្រ និងថៅកែរោងចក្រ ព្រមទទួលយកលក្ខខណ្ឌដែលឯកឧត្តម បានសម្របសម្រួលបញ្ចប់ជាស្ថាពរត្រឹមរយៈពេល៣០នាទី ៕