ខេត្តព្រះសីហនុ-យុវជនប្រុស ស្រីជិត២០នាក់ត្រូវបានសមត្ថកិច្ចឃាត់ខ្លួន ខណៈពេលកម្លាំងចំរុះរដ្ឋបាលក្រុងព្រះសីហនុចុះធ្វើរដ្ឋបាលចំហនៅម្តុំភូមិថ្មី សង្កាត់លេខ៣ក្រុងព្រះសីហនុ នារសៀលថ្ងៃទី 21 ខែកញ្ញាឆ្នាំ 2023។
សមត្ថកិច្ចមូលដ្ឋានបានឲ្យដឹងថា ក្នុងចំណោមយុវជនប្រុស ស្រីជិត២០នាក់ដែលសមត្ថកិច្ចឃាត់ខ្លួនពេលចុះធ្វើរដ្ឋបាលចំហនៅម្តុំភូមិថ្មី សង្កាត់លេខ៣ក្រុងព្រះសីហនុ បានជាប់សង្ស..យ័ពីការប្រើប្រាស់គ្រឿងញៀ..ន កាលពីថ្ងៃ១៨កញ្ញា២០២៣នោះ ក្រោយនាំមកពិនិត្យរកសារធាតុញៀ..ន សមត្ថកិច្ចរកឃើញយុវជនមួយចំនួន មានសារធាតុញៀនក្នុងខ្លួនដែលអាចបញ្ជាក់ថាជាអ្នកប្រើប្រាស់គ្រឿងញៀ..ន ត្រូវបានសមត្ថកិច្ចបញ្ជូនទៅមណ្ឌលអប់រំកែប្រែដើម្បីបន្សាបគ្រឿងញៀនឡើងវិញ។
ចំណែកអ្នកដែលគ្មានសារធាតុញៀនក្នុងខ្លួន សមត្ថកិច្ចបានដោះលែងវិញ ជាមួយនឹងការណែនាំឲ្យខិតខំធ្វើការងារល្អៗជួយគ្រួសារ និងធ្វើជាមនុស្សល្អក្នុងសង្គមជាតិ៕