ជនជាតិចិនពីក្រុមជិះរថយន្តទំនើបដេញបាញ់គ្នា ផ្អើលតំបន់តោពីរ កាន់តែសាហាវហើយ…….

ព័ត៌មានសង្គមថ្ងៃអង្គារ៍ ទី22 ខែសីហា ឆ្នាំ2023 ម៉ោង 1:10 នាទី ល្ងាច

ខេត្តព្រះសីហនុ÷ក្រោយប្រតិបត្តិការរយះពេល៣ ម៉ោងកំលាំងចំរុះ នៃស្នងការដ្ឋាននគរបាលខេត្តព្រះសីហនុ ក្រោមការបញ្ជាផ្ទាល់ពីឯកឧត្តម ឧត្តមសេនីយ៏ទោ ជួន ណារិន្ឋ ស្នងការនគរបាលខេត្ត បានបង្ក្រាបបានមុខសញ្ញាជនសង្ស័យចំនួន៣នាក់ បន្ទាប់ពីពួកគេបានធ្វើសកម្មភាពបើករថយន្តដេញបំបុកគ្នានឹងផ្ទុះអាវុធ នៅចំនុចតោពីរ ក្រុងព្រះសីហនុ កាលពីព្រឹកថ្ងៃទី២២សីហាឆ្នាំ២០២៣ វេលាម៉ោង៩និង៣០នាទី។

ក្រោយពីមានការផ្ទុះអាវុធបង្កការប្រញាប់ឲ្យយ៉ាងខ្លាំងទៅដល់ប្រជាពលរដ្ឋភ្ញៀវទេសចរ ភ្លាមៗសមត្ថកិច្ចក៏បានចុះទៅដល់ទីតាំងកើតហេតុ និងបានធ្វើការតាមប្រមាញ់ស្រាវជ្រាវយ៉ាងប្រផឹតប្រភីងរហូតរកឃើញ ភាគីជនរងគ្រោះដែលត្រូវភាគីជនជាតិចិនមួយក្រុមទៀត ជិះរថយន្តដេញបំបុកនិងបាញ់ចំនួនមួយគ្រាប់ នៅចំណុចកាស៊ីណូឆាងឆឹងស្ថិតក្នុងភូមិ 4 សង្កាត់លេខ 4 ក្រុងនិងខេត្តព្រះសីហនុ។ឆ្លើយតបទៅនឹងសកម្មភាពយើងគក្លើននេះផងដែរលោកឧត្តមសេនីយ៍ទោជួនណារិន្ឋស្នងការនគរបាលខេត្តព្រះសីហនុ បានបញ្ជាកម្លាំង ស្ទាក់តាមគោលដៅសំខាន់ៗនៅក្នុងក្រុងព្រះសីហនុរហូតឃាត់ខ្លួនបានជនសង្ស័យចំនួន៣នាក់និងរថយន្តចំនួនមួយគ្រឿងម៉ាក mercedes ពណ៌ខ្មៅ ប៉ុន្តែយុទ្ធនាការនេះនៅមិនទាន់បិទបញ្ចប់នៅឡើយទេ កម្លាំងសមត្ថកិច្ចកំពុងបន្តតាមប្រមាញ់បក្សពួកដែលនៅសេសសល់បន្ថែមទៀត។និងកំពុងសាកសួរទៅលើជនសង្ស័យដែលបានឃាត់ខ្លួនបាន។ ជុំវិញករណីផ្ទុះអាវុធនេះផងដែរ សមត្ថកិច្ចនៃស្នងការដ្ឋាននគរបាលខេត្តព្រះសីហនុពុំទាន់បង្ហាញពីមូលហេតុឬដើមចមនៃការផ្ទុះអាវុធរវាងជនជាតិចិនទាំងពីរភាគីនេះនៅឡើយទេ ព្រោះស្ថិតក្នុងដំណាក់កាលនីតិវិធី។