ស្រុកព្រៃនប់៖ ល្ងាចថ្ងៃទី៥ ខែវិច្ឆិកា ឆ្នាំ២០២២ មានគ្រោះថ្នាក់ចរាចរណ៍កើតឡើង លើផ្លូវជាតិលេខ៤ ចន្លោះបង្គោលគីឡូម៉ែត្រលេខ ២១០-២១១ ស្ថិតនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ រវាងរថយន្តនិងម៉ូតូ ។
សមត្ថកិច្ចឲ្យដឹងថា ម៉ូតូ០ម៉ាក SPARK ពណ៌ខ្មៅ ពាក់ផ្លាកលេខ ភ្នំពេញ 1CN-7145 មានទិសដៅចូលក្រុងព្រះសីហនុ បើកបរដោយឈ្មោះ ម៉ាត់ លីម៉ា ភេទស្រី និងអ្នករួមដំណើរ ០១នាក់ទៀតឈ្មោះ ម៉ាត់ ម៉ាលី ភេទស្រី អ្នកទាំង ០២នាក់មានទីលំនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ មកដល់ចំណុចកើតហេតុបានប្ដូរទិស (ឆ្លងផ្លូវពីស្ដាំទៅឆ្វេង)ស្របពេលរថយន្ដ ០១គ្រឿងម៉ាក DAEWOO ពណ៌ខៀវ ពាក់ផ្លាកលេខ កំពង់ស្ពឺ 3A-2518 ទិសដៅផ្ទុយគ្នា មកដល់ បុកចំពីមុខតែម្ដង ។
គ្រោះថ្នាក់ចរាចរណ៍នេះបណ្ដាលឲ្យភាគីខាងម៉ូតូចំនួន ០២នាក់ ÷
០១.ឈ្មោះ ម៉ាត់ លីម៉ា អ្នកបើកបរម៉ូតូ រងរបួសធ្ងន់។
០២.ឈ្មោះ ម៉ាត់ ម៉ាលី អ្នករួមដំណើរជាមួយរបួសស្រាល។ ក្រោយកើតហេតុអ្នកបើកបររថយន្ដ បានចុះរត់គេចខ្លួន៕