ត្បូងឃ្មុំៈ រថយន្តសាំយ៉ុងមួយគ្រឿងដឹកឈើអារ ក្ដារចម្រុះ ចំនួន១៣៥ សន្លឹក គ្មានច្បាប់អនុញ្ញាត ត្រូវបាន កម្លាំងកងរាជអាវុធហត្ថខេត្តត្បូងឃ្មុំ ស្ទាក់ចាប់បាននៅលើផ្លូវជាតិលេខ៧ នៅវេលាម៉ោង៣រសៀល នាសប្តាហ៍កន្លងផុតទៅ ក្នុងភូមិកោះថ្ម ឃុំទន្លូង ស្រុក មេមត់ ខេត្តត្បូងឃ្មុំ កាលពិចុងសប្តាហ៍មុន ។
សមត្ថកិច្ចបានឲ្យដឹងថា អ្នកបើកបររថយន្តសាំយ៉ុងមួយគ្រឿង ពណ៌ទឹកប្រាក់ គ្មានស្លាកលេខ ដឹកឈើក្ដារចម្រុះ ចំនួន១៣៥ សន្លឹក ស្មើនឹង២,១៦០ម៉ែត្រគូប គ្មានច្បាប់អនុញ្ញាត បានគេចខ្លួនបាត់ ។
រថយន្ត និង ឈើទាំងអស់ ត្រូវកម្លាំងជំនាញប្រគល់ ជូនរដ្ឋបាលព្រៃឈើ ស្រុកមេមត់ ដើម្បីចាត់ការតាមផ្លូវច្បាប់ ៕