ក្រុងព្រះសីហនុ៖ បុរសម្នាក់ត្រូវរងរបួសជើងខាងឆ្វេងធ្ងន់ធ្ងរខណៈពេលដែលបើកម៉ូតូវាក់ជ្រុលទៅបុករថយន្ដកំពុងបត់ ដែលបើកបរដោយនារីម្នាក់និងមាននារីនាក់រួមដំណើរ២នាក់ផ្សេងទៀត ។
ហេតុការណ៍នេះបើនកើតឡើងនៅវេលាម៉ោង ៥:៤៥ នាទីល្ងាច ថ្ងៃទី១៨ ខែមិថុនា ឆ្នាំ២០២២ ទីតាំងតាមបណ្ដោយផ្លូវ លេខ៣០០ ស្ថិតក្នុងសង្កាត់លេខ៤ ក្រុង/ខេត្តព្រះសីហនុ។
យោងតាមសម្ដីម្ចាស់ម៉ូតូបានប្រាប់ថាដំបូងឡើយគាត់បានធ្វើដំណើរតាមបណ្ដោយផ្លូវ ៣០០ ក្នុងទិសដៅពីលិចទៅកើតដោយបើកម៉ូតូម៉ាកDream c125ពណ៍ខ្មៅពាក់ស្លាកលេខ តាកែវ1AA-6585។ ខណៈពេលដែលទៅដល់ចំណុចកន្លែងកើតហេតុដោយមានរថយន្ដមួយគ្រឿងផ្សេងទៀតកំពុងតែបង្អង់ល្បឿនព្រោះមានរថយន្ដកំពុងតែបត់នៅខាងមុខ ស្រាប់តែបុរសដែលជានាក់បើកម៉ូតូនោះបានវ៉ាដើម្បីបន្តទៅមុខ ក៏វាក់អើជ្រុលទៅបុកនិងរថយន្ដដែលកំពុងបត់នោះពេញទំហឹងបណ្ដាលឲ្យរងរបួសជើងខាងឆ្វេងធ្ងន់ធ្ងរ។ គួរបញ្ចាក់ផងដែលថារថយន្ដដែលកំពុងតែបត់នោះគឺម៉ាក Lexus ពណ៍ស ពាក់ស្លាកលេខ ភ្នំពេញ2BO-1798 បើកបរពីទិសខាងកើតទៅលិចហើយបានបត់បកក្រោយវិញ បើកដោយនារីម្នាក់និងមាននារី២នាក់ទៀតរួមដំណើរជាមួយ ។
ក្រោយកើតហេតុបុរសម្ចាស់ម៉ូតូត្រូវបានបញ្ជូនទៅមន្ទីពេទ្យឯកជន មិត្តភាពឃ្លាំងលើ ចំណែករថយន្ដរួមទាំងម៉ូតូត្រូវបានសមត្ថកិច្ចវាស់វែងយកទៅរក្សាទុករងចាំបន្តធ្វើការនៅពេលក្រោយ៕ អត្ថបទដោយ៖ សំណាង