(ក្រុងព្រះសីហនុ)៖ មានករណីជនជាតិចិនម្នាក់បានស្លាប់ នៅវេលាម៉ោង០៥ព្រឹក ថ្ងៃទី១៣ ខែមិថុនា ឆ្នាំ២០២២ សង្ស័យជឆករណីឃាដកម្មមួយកើតឡើងត្រង់ចំណុច សណ្ឋាគារសមុទ្រខៀវ នៅក្រុម១ ភូមិ១ សង្កាត់៣ ក្រុងព្រះសីហនុ ខេត្តព្រះសីហនុ។

យោងតាមរបាយការណ៍បឋម ពីសមត្ថកិច្ច បានឲ្យដឹងថា ជនរងគ្រោះជាប្រពន្ធបានឈ្លោះប្រកែកគ្នាជាមួយជនសង្ស័យត្រូវជាប្តីបានចាក់ចំដោះខាងឆ្វេងនិងស្នាមត្រង់បំពង់ករ បណ្តាលអោយស្លាប់នៅនឹងកន្លែងកើតហេតុ ក្នុងថ្លុកឈាម ។

សពជនរងគ្រោះឈ្មោះ Ran Wei Xia ភេទស្រី អាយុ៣០ ឆ្នាំ មានមុខរបប ធ្វើការក្នុងក្លឹប។ ជនសង្ស័យឈ្មោះ Hao Hong Wei ភេទប្រុស អាយុ២៤ ឆ្នាំ មុខរបរមិនពិតប្រាកដ ។

បច្ចុប្បន្ន ជនសង្ស័យ ត្រូវបានសមត្ថកិច្ចឃាត់ខ្លួន សួនាំស្រាវជ្រាវបន្ថែម ដើម្បីបន្តនិតិវិធី៕