ក្រុងព្រះសីហនុ ៖ កាលពី យប់ថ្ងៃទី ២៦ ខែឧសភាឆ្នាំ២០២២នេះ នៅតាមបណ្ដោយផ្លូវមិត្តភាព នៅម្ដុំក្បែរនឹងអធិការនគរបាលក្រុងព្រះសីហនុត្រង់ចំណុចឃ្លាំងលក់ឬជួលរថយន្តមួយចម្លែក ស្ថិតនៅក្នុង ភូមិ ៥ សង្កាត់ ៤ ក្រុងព្រះសីហនុ/ខេត្តព្រះសីហនុ។
ករណីនេះ មុនពេលកើតហេតុជនបង្កនេះ មានគ្នាមួយក្រុម ចំនួន០៤ទៅ០៧នាក់មិនស្គាល់អត្តសញ្ញាណ ខ្លះជិះម៉ូតូ ខ្លះទៀតជិះរថយន្ដគោលបំណងបំរុងមកយកលុយថ្លៃដាក់ជួលឡានឲ្យជនជាតិចិន ពីម្ចាស់ឃ្លាំងលក់រថយន្ត ។
ក្រោយមកខណៈដល់ទីតាំង ឪពុកដែលជាម្ចាស់ឃ្លាំងបានរៀបចំបាយទឹកដើម្បីបម្រុងនឹងហូបបាយជុំគ្នាពេលនោះ ពួកគេក៏បានអង្គុយបានប្រមាណជាង ១០ នាទី ក៏ស្រាប់តែដកកាំភ្លើងយកមកភ្ជុងមនុស្សចំនួន ២ទៅ៣ នាក់ ហើយក៏ឈានទៅដល់មានការផ្ទុះអាវុធ ១ គ្រាប់ តែសំណាងល្អពុំមានមនុស្សរងរបួស ក្ហើយភ្លាមៗនោះជនបង្ក ក៏បានឡើងជិះម៉ូតូនិងរថយន្ដរត់គេចខ្លួនអស់តែម្ដង។
កម្លាំងសមត្ថកិច្ចនគរបាល និងកម្លាំងសមត្ថកិច្ចកងរាជអាវុធហត្ថបានសហការរួមគ្នាចុះត្រួតពិនិត្យប្រមូលផុសតាងមើលកាមេរ៉ាសុវត្ថិភាពនិងតាមប្រម៉ាញ់រកជនបង្កធ្វើទៅតាមជំនាញនីតិវិធី។
បច្ចុប្បន្នកម្លាំងសមត្ថកិច្ចកំពុងធ្វើការស្រាវជ្រាវ ៕