ខេត្តព្រះសីហនុ៖ នៅរសៀល ថ្ងៃទី០២ ខែមីនា ឆ្នាំ២០២២ លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ បានឧបត្ថម្ភអំណោយសប្បុរសធម៍ រួមមាន៖ មជ្ឈូស ដាក់សពបូជា ចំនួន១ និងថវិកា ចំនួន២លានរៀល តាមការស្នេីសុំរបស់គ្រួសារសព លោកតា កៅ រ៉ាមី អាយុ ៦៧ឆ្នាំ មានជីវភាពខ្វះខាត បានទទួលមរណភាព កាលពីថ្ងៃទី០១ ខែមីនា ឆ្នាំ២០២២ វេលាម៉ោង០៤:១៥នាទីរសៀល ដោយជរាពាធ មានអាសយ័ដ្ឋាន ស្ថិតនៅ ភូមិ៣ សង្កាត់៣ ក្រុងព្រះសីហនុ ។ 

  ក្រោយទទួលបានជំនួយនេះគ្រួសាររបស់សព លោកតា កៅ រ៉ាមី បានថ្លែងអំណរគុណ និងគោរពជូនពរដល់លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ និងលោកជំទាវ ព្រមទាំងបុត្រា បុត្រី មានសុខភាពល្អ ជួបប្រទះតែសេចក្តីសុខ ចម្រេីន ព្រមទាំងជួបពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លាងឃ្លាតឡេីយ ៕