ខេត្តព្រះសីហនុ-លោក ឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ និងលោកជំទាវ ហេង គីមជីនៅថ្ងៃទី២១ ខែកញ្ញា ឆ្នាំ២០២១ បានឧបត្ថម្ភកុំព្យូទ័រ Desktop ចំនួន០៥គ្រឿង ដល់សាលាទ័ព ជើង ទឹក សម្រាប់ប្រើប្រាស់បម្រើការងារក្នុងអង្គភាពនិងដើម្បីជួយសម្រួលដល់ការបំពេញភារកិច្ចរបស់យោធិន ក៏ដូចជាជួយសម្រួល ដល់ ភារកិច្ចរដ្ឋបាលរបស់អង្គភាពសាលាទ័ពជើងទឹក ។
នាយកសាលាទ័ពជើងទឹក លោកវរនាវីទោ ជើង ឆាយ ព្រមទាំងនិង លោកនាយករង យោធា ចារ្យ បុគ្គលិក នាយផ្នែក នាយរងផ្នែក និងពលនាវិកសាលាទ័ពជើងទឹកទាំងអស់ បានថ្លែង អំណរអរគុណ ចំពោះទឹកចិត្តរបស់ លោកឧកញ៉ា ទៀ វិចិត្រ សមាជិកក្រុមការងារ យុវជន គណបក្សប្រជាជនកម្ពុជា ខេត្តព្រះសីហនុ និងលោកជំទាវ ហេង គីមជី ដែលលោកទាំងពីរតែង តែមានទឹកចិត្តសប្បុរស គិតគូរយកចិត្តទុកដាក់ និងតែងតែបានជួយឧបត្ថម្ភ ដល់សាលាទ័ពជើង ទឹក រហូតមកដល់ពេលនេះ៕