ខេត្តព្រះសីហនុៈ បុរសចំនួន០២នាក់បានរងរបួសធ្ងន់នឹងស្រាលបន្ទាប់ពីជិះម៉ូតូបុកប៉ះគ្នា និងផ្លោងទៅប៉ះរថយន្តចតចោលមួយគ្រឿងទៀតនៅវេលាម៉ោង ០១និង៣០នាទី រសៀលថ្ងៃទី២៧ ខែសីហា ឆ្នាំ២០២១ ចំណុចផ្លូវកែងក្បែរហាងស៊ុបម៉ោង០៩ ស្ថិតក្នុងភូមិ០២ សង្កាត់លេខ០៣ ក្រុងព្រះសីហនុ ខេត្តព្រះសីហនុ។
បើយោងតាមប្រភពបឋមពីសមត្ថកិច្ចចរាចរណ៏ បានបញ្ចាក់ថាករណីគ្រោះថ្នាក់ចរាចរណ៍ខាងលើ នេះឡើងនៅវេលាម៉ោង ០១និង៣០នាទី រសៀលថ្ងៃទី២៧ ខែសីហា ឆ្នាំ២០២១ ចំណុចផ្លូវកែងក្បែរហាងស៊ុបម៉ោង០៩ ស្ថិតក្នុងភូមិ០២ សង្កាត់លេខ០៣ ក្រុងព្រះសីហនុ ខេត្តព្រះសីហនុ ។ នៅមុន ពេលកើតហេតុគេឃើញមានម៉ូតូមួយគ្រឿងម៉ាកHonda Dreamសេរីឆ្នាំ២០១៩ ពណ៌ខ្មៅ គ្មាន ស្លាកលេខ បើកបរដោយយុវជនម្នាក់ឈ្មោះ សាល អាយុប្រហែល១៨ឆ្នាំ ពាក់អាវយឺតដៃខ្លីពណ៌ខ្មៅ ស្លៀកខោកាបូយជើងវែង លុះមកដល់កន្លែងកើតហេតុក៏បានទាក់ដៃចង្កូតគ្នាជាមួយនិងម៉ូតូមួយគ្រឿង ធ្វើដំណើរ ស្រប ទិស គ្នា ម៉ាកHonda Dream សេរីឆ្នាំ២០២១ ពណ៌ខ្មៅ បើកបរដោយបុរសម្នាក់ឈ្មោះ បុត្រ អាយុប្រមាណ៣០ឆ្នាំជា អ្នកដឹក ជញ្ជូន អាហាររបស់ក្រុមហ៊ុនE-Gets ដោយមិនទាន់អស់ល្បឿនម៉ូតូខាងលើក៏ផ្លោងទៅបុកប៉ះ និងរថយន្ត មួយគ្រឿងទៀត រងការខូចខាតបន្តិចបន្ទួច និងបណ្តាលឲ្យរងរបួសបាក់ដៃ ហើយភាគី ម្ខាង ទៀតរបួសដូចគ្នា ។
បច្ចុប្បន្នក្រោយពេលកើតហេតុជនរងគ្រោះទាំង២នាក់ត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្ត ចំណែកភាគីខាងរថយន្តមិនបានទាមទារសំណងថ្លៃការខូចខាតអ្វីទេ ដោយ ឡែកវត្ថុតាងម៉ូតូទាំង២គ្រឿង ត្រូវបានសមត្ថកិច្ចយកទៅរក្សាទុក នៅប៉ុស្តិ៍នគរ បាលចរាចរណ៍ ផ្លូវគោកខេត្តព្រះសីហនុ រងចាំការដោះស្រាយតាមនីតិវិធី ៕
កើតឡើងជាយថាហេតុ។