ខេត្តព្រះសីហនុ-ស្របពេលដែលនៅលើផ្ទៃសមុទ្រមានភ្លៀង ខ្យល់និង រលក ខ្លាំងយ៉ាងណាក្តី លោកឧកញ៉ា ទៀ វិចិត្រ សមាជិកក្រុមការងារយុវ ជនគណបក្ស ប្រជាជនកម្ពុជា ខេត្តព្រះសីហនុ នាវេលាម៉ោងជាង៤កន្លះល្ងាច ថ្ងៃទី២៧ ខែកក្កដា នៅតែបញ្ជូនអូប័រពេទ្យល្បឿន លឿន ទៅទទួលយកស្រ្តីមានផ្ទៃពោះម្នាក់ វិលមុខរអិលដួលនៅភូមិកោះរ៉ុងសន្លឹម សង្កាត់កោះរ៉ុងសន្លឹមក្រុងកោះរ៉ុងខេត្តព្រះសីហនុ បញ្ជូនយកមកជួយសង្គ្រោះ នៅមន្ទីរពេទ្យបង្អែកខេត្តព្រះសីហនុ។
ស្រ្តីរងគ្រោះមានឈ្មោះ សែត ចន្ថា ភេទស្រីអាយុ២៥ឆ្នាំត្រូវបានដឹក តាមអូប័រ ពេទ្យល្បឿនលឿនមកដល់ដីគោកក្រុងព្រះសីហនុ និងបានដឹកបន្ត តាមរថយន្ត សង្គ្រោះក្រុមហ៊ុនGTVC របស់លោកឧកញ៉ាផ្ទាល់ យកទៅសង្រ្គោះនៅមន្ទី ពេទ្យ បង្អែកខេត្តព្រះសីហនុ នៅល្ងាចថ្ងៃដដែល។
លោកឧកញ៉ា ទៀ វិចិត្រ ឲ្យដឹងបន្ថែមថា បច្ចុប្បន្នដើម្បីងាយស្រួល ក្នុងការ ជួយសង្គ្រោះពលរដ្ឋដែលត្រូវការសង្គ្រោះបន្ទាន់ ក្រៅពីអូប័រពេទ្យល្បឿនលឿន លោក ឧកញ៉ា ក៏បានទិញរថយន្តសង្គ្រោះថ្មីនិងទំនើបសេរីឆ្នាំ២០២១ មួយគ្រឿង ទៀត មកបម្រើការងារជួយសង្រ្គោះប្រជាពលរដ្ឋផងដែរ៕