ខេត្តព្រះសីនុៈ ការបង្រៀនសិស្សតាមប្រព័ន្ធ Online និងការធ្វើតេស្តនៅសាលាវិទ្យាល័យហ៊ុនសែនព្រៃនប់ខេត្តព្រះសីហនុក្នុងបរិបទកូវិដ-១៩ យ៉ាងរលូន បានប្រមាណ ៩០ភាគរយ ហើយ នេះបើយោងតាមគណះគ្រប់គ្រងសាលាថ្លែងបញ្ជាក់នាឪកាសឯកឧត្តម គួច ចំរើនអភិបាល នៃគណៈអភិបាលខេត្តព្រះសីហនុ បានអញ្ជើញចុះទៅពិនិត្យមើលសកម្មភាព នៃការបង្រៀនសិស្សតាមប្រព័ន្ធ Onlinនាព្រឹកថ្ងៃទីថ្ងៃទី១៣ ខែកក្កដា ឆ្នាំ២០២១។
ថ្លែងទៅកាន់ឯកឧត្តម គួច ចំរើន លោក មែន សាលីន នាយករងវិទ្យាល័យ ហ៊ុន សែន ព្រៃនប់បានឱ្យដឹងថា វិទ្យាល័យនេះបច្ចុប្បន្នមានអគារសិក្សាចំនួន ១ខ្នង ៤ជាន់ស្មើនឹង ៤៨បន្ទប់ អគារទីចាត់ការ ១ខ្នង ស្មើនឹង៣បន្ទប់ ផ្ទះសម្រាប់គ្រូ-សិស្សស្នាក់នៅ ២ខ្នង ស្មើនឹង ២០បន្ទប់ និងហេដ្ឋារចនាសម្ព័ន្ឋផ្សេងទៀត ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ហើយសម្រាប់បុគ្គលិកអប់រំសរុប ៥៩នាក់ ស្រី១៩នាក់ ក្នុងនោះគ្រូកម្រិតឧត្តម ៣១នាក់ស្រី១០នាក់និងសិស្សសរុប ១០៩៩នាក់ ស្រី ៥៨២នាក់ ។បច្ចុប្បន្នការសិក្សារៀនសូត្ររបស់សិស្ស និងការបង្រៀនរបស់លោកគ្រូ អ្នកគ្រូ នៅបន្តដដែលដោយការបង្រៀនតាមប្រព័ន្ធពីចំម្ងាយមានដូចជា៖ (Google Meet)(Telegram)(Facbook)(E-school Google)(classroom និងការប្រឡងតេស្តតាមរយៈGoogle Form) ជាមួយគ្នានោះលោក មែន សាលីន បានបន្តថាក្រៅពីការបង្រៀនតាមប្រព័ន្ធអេឡិចត្រូនិកខាងលើនេះ សាលាក៏មានការប្រើប្រាស់សន្លឹកកិច្ចការតាមបែបប្រពៃណីគឺការបែងចែកលោកគ្រូអ្នកគ្រូចុះទៅតាមភូមិ/ឃុំ/ស្រុក ដោយវេចខ្ចប់សន្លឹកកិច្ចការបញ្ជូន ដល់សិស្សានុសិស្សនៅតាមភូមិ/ឃុំ ធ្វើការចែកជូនដល់សិស្សដែលគ្មានស្មាតហ្វូន ពេលដែលសិស្សធ្វើកិច្ចការរួចលោកគ្រូអ្នកគ្រូទទួលសន្លឹកកិច្ចការពីសិស្សមកសាលារៀនវិញ ត្រូវគោរពតាមការណែនាំរបស់ក្រសួងសុខាភិបាល ម្យ៉ាងទៀតសិស្សដែលនៅជិតសាលាអាចមកយកសន្លឹកកិច្ចការនៅសាលាបាន ពេលធ្វើរួចយកមកសាលាវិញ នៅពេលដែលប្រគល់សន្លឹកកិច្ចការជូនសាលាត្រូវធ្វើតាមការណែនាំរបស់ក្រសួងសុខាភិបាល ហ្នឹងស្ដាប់អនុសាសន៍ណែនាំរបស់សម្ដេចតេជោ ៣ការពារ,៣កុំ។
ឯកឧត្តម គួច ចំរើន អភិបាល នៃគណៈអភិបាល ខេត្តព្រះសីហនុ បានកោតសរសើរដល់លោកគ្រូអ្នកគ្រូដែលបានរៀបចំកម្មវិធីបង្រៀនងាយៗដើម្បីផ្តល់ឱកាសអោយសិស្សបានរៀនសូត្រក្នុងដំណាក់កាលដែលសាលាមិនទាន់បានបើកដំណើរការឡើងវិញដោយសារតែជំងឺកូវីដ-១៩ កំពុងតែរាលត្បាតជាសកល ហើយទន្ទឹមនឹងការខិតខំរបស់លោកគ្រូ អ្នកគ្រូ ក្នុងការជម្រុញនិងការលើកទឹកចិត្ត ព្រមទាំងតាមដានមើលការសិក្សាពីសំណាក់មាតាបិតា អាណាព្យាបាលក៏ជាកត្តាសំខាន់មួយទៀត ដើម្បីជម្រុញការសិក្សារបស់សិស្សទទួលបានលទ្ធផលល្អ។ ទន្ទឹមនឹងនោះ ឯកឧត្តមបានស្នើរឱ្យលោកគ្រូ អ្នកគ្រូ ដែលពាក់ពន្ធ័ទាំងអស់ត្រូវរួមគ្នាជួយជម្រុញតាមដានគ្រប់លទ្ធភាព និងមធ្យោបាយក្នុងការពង្រឹងធនធានយុវជនរបស់យើងអោយបានខ្លាំងក្លា ដើម្បីសម្រេចនូវចក្ខុវិស័យរបស់ក្រសួងអប់រំក្នុងការផ្តល់ចំណេះដឹង ជំនាញ ពិនប្រសប់ និងឥរយាបទថ្លៃថ្នូរសីលធម៌ល្អក្នុងសង្គម។ ជាមួយគ្នានោះដែរឯកឧត្តមអភិបាលខេត្តបានអំពាវនាវឱ្យលោកគ្រូ អ្នកគ្រូ ចូលរួមស្ដាប់ការណែនាំរបស់ក្រសួងសុខាភិបាល ជាពិសេសអនុសាសន៍របស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា គឺ(៣ការពារ)(៣កុំ)៕
សូមបញ្ជាក់ផងដែរថាក្នុងឪកាសនោះផងដែរឯកឧត្តមអភិបាលខេត្ត បានធ្វើការដាំកូនឈើទុកជាអនុស្សាវរីយ៍ដើម្បីជំរុញទឹកចិត្តដល់លោកគ្រូ អ្នកគ្រូ ព្រមទាំង សិស្ស ទៀតផង៕