បន្ទាយមានជ័យៈគ្រឿងញៀនដ៏ច្រើនទៀតតហើយជិត៤០គីឡូក្រាម រួមជាមួយមនុស្ស៤នាក់ ត្រូវបានកម្លាំងជំនាញចុះបង្ក្រាបបទល្មើសគ្រឿងញៀន ខេត្តបន្ទាយមានជ័យធ្វើការបង្ក្រាបបានកាលពីថ្ងៃទី១៦ ខែមិថុនា ឆ្នាំ២០២១ស្ថិតភូមិ.សង្កាត់ផ្សារកណ្តាលក្រុងប៉ោយប៉ែត នេះបើយោងតាមការបញ្ជាក់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយ។
ជុំវិញករណីការចុះបង្ក្រាបទ្រង់ទ្រាយធំនេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យដែលបានដឹកនាំកម្លាំងជំនាញចុះបង្ក្រាបផ្ទាល់ បានអោយដឹងថា បន្ទាប់ពីធ្វើការស៊ើបអង្កេត តាមយុទ្ឋសាស្ត្របច្ចេកទេសជំនាញ ក្រោមការបញ្ជាផ្ទាល់ពីលោក កំលាំងយើងបានឃាត់ខ្លួនជនសង្ស័យ២នាក់ជាបុរស់ដែលសមត្តកិច្ចមិនទាន់បង្ហាញអត្តសញ្ញាណដោយរឹបអូសគ្រឿងញៀនប្រមាណជិត៤០គីឡូក្រាមដែលជាប្រភេទគ្រឿងញៀនម្ស៉ៅក្រាមសថ្លាហៅមេតំហ្វេតាមីនហៅខេទឹកកក។បន្ទាប់មក បានដឹកនាំកម្លាំងស្រាវជ្រាវបង្ក្រាបនៅចំណុចភូមិ.ឃុំបឹងបេង ស្រុកម៉ាឡៃ ដែលជាផ្ទៈមុខសញ្ញាឈ្មួញគ្រឿងញៀនបានបង្ក្រាបឃាត់ខ្លួនស្រី២នាក់ទៀត។ ហើយប្រតិបត្តិការនេះត្រូវបានបន្តស្រាវជ្រាវរកមេខ្លោងឈ្មួញធំបានបន្តស្រាវជ្រាវចុះមកពិនិត្យទីតាំងសង្ស័យនៅសង្កាត់.ក្រុងប៉ោយប៉ែតដែលចុះប្រតិបត្តិការបង្ក្រាបរយៈពេល១ថ្ងៃបង្ក្រាបឃាត់ខ្លួនជនសង្ស័យសរុបចំនួន៤នាក់ស្រី២នាក់និងគ្រឿងញៀនប្រមាណជិត៤០គីឡូក្រាម។
បច្ចុប្បន្នជនសង្ស័យ៤នាក់ស្រី២នាក់រួមជាមួយគ្រឿងញៀនជិត៤០គីឡូក្រាម ត្រូវបានបញ្ជូនទៅស្នងការនគរបាលខេត្តបន្ទាយមានជ័យ ដើម្បីអនុវត្តន៏ទៅតាមនិតិវិធីច្បាប់៕