(ក្រុងព្រះសីហនុ)៖ កញ្ញាដេននី ក្វាន់ នៅថ្ងៃទី២៥ ខែ ឧសភានេះ បានទម្លាយនូវរឿងម្ចាស់ សណ្ឋាគារមួយ នៅកំពង់សោមឈ្មោះ Gold Sea Hotel លួចបង្កប់ Camera ក្នុងបន្ទប់គេងរបស់នាង និងបន្ទប់ផ្សេងៗ ទៀតអំឡុងពេលដែលនាងទៅស្នាក់នៅទីនោះកាលពីខែតុលាឆ្នាំ២០២០។
កញ្ញាដេន នីក្វាន់ បានបញ្ជាក់ថា នាងទ្រាំមិនឡាយ៍ ជាសាធារណៈទេព្រោះរង់ចាំដំណោះស្រាយល្អជា មួយម្ចាស់សណ្ឋាគារតែលទ្ធផលនាងទទួលបាន សំណងជាលុយ ត្រឹម១ម៉ឺនដុល្លារប៉ុណ្ណោះ។
បើតាមការបញ្ជាក់ពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រាប់នៅល្ងាចថ្ងៃទី២៥ ខែឧសភានេះថាករណីនេះ គឺជាសំណុំរឿងចាស់ តាំងពីខែតុលា ឆ្នាំ២០២០ ដែលតុលាការបានសម្រេចក្តីរួចហើយ ខណៈដែលជន ដែលពាក់ព័ន្ធនឹងការបង្កប់កាំមេរ៉ាក្នុងបន្ទប់សណ្ឋាគារនោះក៏កំពុងតែអនុវត្តទោសក្នុងពន្ធនាគារនៅឡើយ ។
តែលោកពុំបានបញ្ជាក់ថា ជនដែលពាក់ព័ន្ធនោះជាជាមនុស្សប្រុសឬស្រី អាយុប៉ុន្មាន ជាជនជាតិអ្វី និងត្រូវជាប់ទោសប៉ុន្មានឆ្នាំនៅឡើយនោះទេ ៕