ប្រទេសសរុស្ស៊ី ៖ កកាលពីពេលថ្មីៗកន្លងទៅនេះ យន្តហោះដឹកជញ្ជូនរុស្ស៊ីមួយគ្រឿង បានបង្កឲ្យមានការភ្ញា ក់ផ្អើ លយ៉ាងខខ្លាំង ក្រោយចេញហោះហើរមិនទាន់ទាំងបានប៉ុន្មានផង ស្រាប់តែក្អួតធ្លាក់ដុំលោហៈ មាស ពេជ្រ ដ៏មានតម្លៃជាច្រើន ទម្ងន់១០តោន ពីលើអាកាសបាចសាចដូចទឹកភ្លៀង ក្រាលពេញដី។
ហេតុការណ៍នេះ បានកើតឡើងកាលពីថ្ងៃទី១៥ មីនា ឆ្នាំ២០១៨ កន្លងទៅនេះ ស្ថិតនៅឯអាកាសយានដ្ឋាន ក្នុងទីក្រុង Yakutsk ប្រទេសរុស្ស៊ី។ បើយោងតាមប្រភពសារព័ត៌មាន បានរាយការន៍ឲ្យដឹងថា នៅថ្ងៃកើតហេតុ យន្តហោះដឹកជញ្ជូនប្រភេទ AN-12 របស់ក្រុមហ៊ុន Nimbus Airlines នេះ បានជួបបញ្ហាក្នុងអំឡុងពេលហោះហើរ គ្រាចាកចេញពីព្រលានយន្តហោះ ក្នុងទីក្រុង Yakutsk ឆ្ពោះទៅកាន់ទីក្រុង Krasnoyarsk ដោយសារតែ ច្រកទ្វារមួយរបស់យន្តហោះ ត្រូវបានរបូតបាក់បណ្តាលឲ្យជ្រុះខ្ចាត់ខ្ចាយ ដុំមាស ពេជ្រ យ៉ាងច្រើនសន្ធឹកសន្ទាប់ បើគិតជាទឹកប្រាក់ ជាង ៣៦៩លានដុល្លារអាមេរិកឯណោះ។ ប្រភពដដែលបន្តថា ក្រោយកើតហេតុយន្តហោះ ក៏ត្រូវបានបង្ខំចិត្តចុះចតវិញភ្លាមៗ ស្ថិតនៅក្នុងតំបន់ Magan ដែលមានចម្ងាយប្រហែល ២៦គីឡូម៉ែត្រ ពីព្រលានយន្តនោះ ភាគខាងជើងនៃទីក្រុង Yakutsk ។
ពុំមាននរណាម្នាក់បានរងគ្រោះ ឬរងរបួសនៅក្នុងឧបទ្វវហេតុខាងលើនេះឡើយ។ ប៉ូលិសក្នុងតំបន់ក៏បានធ្វើការហ៊ុមព័ទ្ធ នៅទីតាំងតំបន់កើហេតុ (បិទផ្លូវ) ដើម្បីចេញប្រតិបត្តិការស្វែងរក របស់ដ៏មានតម្លៃទាំងអស់នោះ ដែលបានបាត់បង់។ មានតែក្រុមភ្នាក់ងាររុករក (Secret Services) ប៉ុណ្ណោះ ដែលត្រូវបានអនុញ្ញាតឲ្យចូលក្នុងតំបន់កើតហេតុ។ គេមិនទាន់ដឹងច្បាស់ទេថា ឧបទ្វវហេតុមួយនេះ គឺជាប៉ុនប៉ង ឬដោយចេតនានោះទេ ខណៈខាងមន្រ្តីប៉ូលិសជំនាញ ក៏កំពុងតែបន្តធ្វើការស៊ើបអង្កេត។
ប៉ុន្តែក្នុងនោះ គេក៏បានធ្វើការឃាត់ខ្លួន ក្រុមវិស្វករបច្ចេទេសនៅឯអាកាសយានដ្ឋាន ដែលជាអ្នករៀបចំសម្រាប់ការហោះហើរមួយនេះ ដើម្បីធ្វើការសាកសួរបន្ថែមផងដែរ។គួរឲ្យដឹងថា លោហៈធាតុដុំមាសពេជ្រ ដ៏មានតម្លៃទាំងអស់នេះ គឺជាកម្មសិទ្ធិរបស់ក្រុមហ៊ុនអាជីវកម្មរ៉ែ Chukota Mining and Geological Company ដែលជាក្រុមកុលសម្ព័ន្ធ (ឬមានភាគហ៊ុន ៧៥ភាគរយ) នៃក្រុមហ៊ុនឯកជន Kinross Gold ប្រទេសកាណាដា។ គួរបញ្ជាក់បន្ថែមថា Yakutsk ត្រូវបានគេស្គាល់ថា គឺជារដ្ឋធានីមួយ នៃ Yakutia ឬ សាធារណៈរដ្ឋ Sasha Republic ដែលជាតំបន់ផលិត (ឬសម្បូរ) ត្បូងពេជ្រដ៏មានតម្លៃ របស់ប្រទេសរុស្ស៊ី ៕