កំពង់ឆ្នាំង៖ ថ្នាក់ដឹកនាំមន្រ្តីសង្ឃ ស្រុករលាប្អៀរ ត្រូវបានព្រះករុណា ព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្រេចត្រាស់បង្គាប់ គោរមងារព្រះរាជាគណៈ នៃគណៈមហានិកាយ នៅព្រះរាជាណាចក្រកម្ពុជា និងចេញសង្ឃប្រកាសនីយប័ត្រជាព្រះគ្រូ។ ពិធីប្រកាសនេះធ្វើឡើងនៅថ្ងៃទី១៨ ខែមករា ឆ្នាំ២០២១ ក្រោមព្រះអធិបតីភាព សម្តេចព្រះសុមេធាធិបតី នន្ទ ង៉ែត សម្តេចព្រះសង្ឃនាយកនៃគណៈមហានិកាយ នៃព្រះរាជាណាចក្រកកម្ពុជា និងសម្តេចពោធិវ័ង្ស អំ លឹមហេង សម្ដេចព្រះសង្ឃនាយករងទី១នៃព្រះរាជាណាចក្រកម្ពុជា។

នៅក្នុងពិធីនេះផងដែរ ដើម្បីឆ្លើយតបចំពោះពុទ្ធសាសនិកជន ដែលជាសប្បុរសជន និងមន្រ្តីសង្ឃស្រុករលាប្អៀរ ព្រមទាំងថ្នាក់ដឹកមន្ទីរធម្មការ និងសាសនា ដែលបានខិតខំបម្រើវិស័យព្រះទ្ធសាសនាឱ្យរីកចម្រើនោះ សម្តេចបានប្រគល់នូវគ្រឿងឥស្សរិយយសថ្នាក់មហាសិរីឌ្ឍន៍១អង្គនាក់ ឥស្សរិយយសមុនីសារភ័ណ្ឌ ថ្នាក់មហាសិរីឌ្ឍន៍ចំនួន ០៤អង្គ នាក់ និងឥស្សរិយយស មេដាយស្ថាបនាជាតិចំនួន៩នាក់ ៕