កំពង់ឆ្នាំង៖ នាព្រឹកថ្ងៃទី១៦ ខែមករា ឆ្នាំ២០២១នេះ ឯកឧត្តម ឈួរ ច័ន្ទឌឿន សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តកំពង់ឆ្នាំង អញ្ជើញជាអតិបតីក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២០ និងទិសដៅឆ្នាំ២០២១ របស់គណៈកម្មាធិការសាខាបក្សមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ឆ្នាំង និងប្រកាសតែងតាំងគណៈកម្មាធិកាគណបក្សមូលដ្ឋានមន្ទីរ ដោយមានការអញ្ជើញចូលរួមពី ឯកឧត្តមអនុប្រធានគណបក្សខេត្ត សមាជិកអចិន្រ្តៃយ៍គណបក្សខេត្ត និងសមាជិកគណបក្សខេត្ត និងសមាជិក សមាជិកាគណបក្សមន្ទីរ។

ឯកឧត្តម ឈួរ ច័ន្ទឌឿន ក៏បានធ្វើការផ្តាំផ្ញើ ត្រូវបន្តខិតខំបំពេញមុខនាទីការងារគណបក្ស ធ្វើយ៉ាងណាបំផុស អប់រំឱ្យប្រជាពលរដ្ឋ មានជំនឿជឿជាក់លើការដឹកនាំរបស់រាជរដ្ឋាភិបាលកម្ពុជា ដែលបាន និងកំពុងដឹកនាំដោយគណបក្សប្រជាជនកម្ពុជា ជាពិសេសត្រូវថែរក្សា ការពារ និងពង្រីកបន្ថែមនូវរាល់សមិទ្ធផលរូបវន្ត និងការរីកចម្រើនក្នុងសង្គមជាតិ និងនៅមូលដ្ឋាន ខេត្ត ក្រុង ស្រុក ក្រោមម្លប់នៃសន្តិភាព និងការអភិវឌ្ឍ។

ឯកឧត្តម ក៏បានធ្វើការណែនាំថ្នាក់ដឹកនាំ និងសមាជិក សមាជិកាគណបក្សមន្ទីរ ត្រូវគិតគូរពីសុខាមាលភាព និងជីវភាពរបស់ប្រជាពលរដ្ឋ និងត្រូវបន្តផ្សព្វផ្សាយនូវវិធានការការពារទប់ស្កាត់ជំងឺកូវីដ១៩ តាមការណែនាំរបស់ក្រសួងសុខាភិបាលដល់ប្រជាពលរដ្ឋឱ្យយល់ និងមានវិធានប្រុងប្រយ័ត្ន និងការពារកុំឱ្យឆ្លងដល់ក្នុងគ្រួសារ និងសគមន៍របស់យើង។ ចុងបញ្ចប់ឯកឧត្តម ឈួរ ច័ន្ទឌឿន បានប្រគល់សេចក្តីប្រកាសដល់សមាជិក សមាជិកា ដែលទើបប្រកាសថ្មី ៕