ក្រុងព្រះសីហនុ៖ យ៉ាងហោចណាស់ មានស្ត្រីម្នាក់បានស្លាប់ និងមនុស្សប្រុសស្រីចំ៣នាក់ទៀតបានរងរបួសធ្ងន់ ដោយគ្រោះថ្នាក់ចរាចរណ៍រវាងម៉ូតូនិងម៉ូតូ ទិសដៅបញ្ច្រាស់គ្នា នៅវេលាម៉ោងជិត១១យប់ថ្ងៃទី០១តុលា២០២២នេះ នៅផ្លូវឆ្នេរអូឈើទាល ម្តុំចុងឆ្នេរអូឈើទាល ស្ថិតក្នុងភូមិ៦ សង្កាត់៤ ក្រុងព្រះសីហនុ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេប្រទះឃើញម៉ូតូមួយគ្រឿងម៉ាកHondaDream សេរីឆ្នាំ២០២៣ ពណ៌ខ្មៅពាក់ស្លាកលេខ បាត់ដំបង 1AP-0508 បើកបរដោយបុរសម្នាក់ឌុបស្ត្រីម្នាក់ទៀត បានបើកម៉ូតូ ក្នុងទិសដៅបញ្ច្រាស់ទិសគ្នា បានបុកនិងម៉ូតូមួយគ្រឿងទៀត ម៉ាកHondaDreamសេរីឆ្នាំ២០២១ ពណ៌ក្រហម ពាក់ស្លាកលេខ ភ្នំពេញ 1HY-2591 បើកបរដោយស្ត្រី២នាក់ ។

សមត្ថកិច្ចឲ្យដឹងថា ករណីនេះបណ្តាលមនុស្សប្រុសស្រីចំនួន៣នាក់រងរបួសធ្ងន់ (ប្រុសម្នាក់) និង ស្លាប់ស្ត្រីម្នាក់ ក្រោយពេលកើតហេតុសមត្ថកិច្ចបានវាស់វែងនិងយកវត្ថុតាងទាំងពីយករក្សាទុកនៅការិយាល័យចរាចរណ៍ផ្លូវគោកខេត្តព្រះសីហនុ រីឯជនរងគ្រោះត្រូវបានបញ្ជូនយកទៅសង្គ្រោនៅមន្ទីរពេទ្យ សាកសពត្រូវសមត្ថកិច្ចប្រគល់ជូនសាចញ្ញាតិក្រុមគ្រួសារយកទៅធ្វើបុណ្យតាមប្រពៃណី ៕