ខេត្តព្រះសីហនុ៖ ដោយមានការដឹកនាំបញ្ជារ ពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងនគរបាលជំនាញ សហការជាមួយប៉ុស្តិ៍នគរបាលរដ្ឋបាលបិតត្រាំង បានធ្វើប្រតិបត្តិការបង្ក្រាបករណីគ្រឿងញៀន ក្នុងនោះមានជនសង្ស័យចំនួន០១នាក់ ត្រូវបានឃាត់ខ្លួន កាលពីវេលាម៉ោង២៣និង៥៥នាទី កាលពីថ្ងៃទី០៨ ខែវិច្ឆិកា ឆ្នាំ២០២១ នៅក្នុងតំបន់សេដ្ឋកិច្ចពិសេស ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ។
ជនសង្ស័យមានឈ្មោះ ៖
១-ជឹម អេង ហៅពូច ភេទប្រុសអាយុ៥៥ឆ្នាំ មុខរបរមិនពិតប្រាកដ ស្នាក់នៅកន្លែងកើតហេតុ។
វត្ថុតាងដកហូតបានរួមមាន ៖
-ម្សៅក្រាមព៌ណសថ្លា សង្ស័យសារធាតុញៀនចំនួន ៣៥កញ្ចប់(ធំចំនួន ០១កញ្ចប់)
-កញ្ឆាក្រៀម មួយចំនួន
-បំពង់ជក់កញ្ឆា ចំនួន០១
-កាំភ្លើងកែឆ្នៃ ចំនួន០១
-ទូរស័ព្ទ ចំនួន០៣គ្រឿង
-ដែកឆាប ចំនួន០១
-កាំបិតបុ័ងតោ ចំនួន០២
-ដាវកែឆ្នៃ ចំនួន០១
-កាំបិតផ្គាក់ចំនួន០១
-ជំពាមកៅស៊ូចំនួន០១ និងគ្រាប់ឃ្លីដែកចំនួនគ្រាប់
-សំភារះសំរាប់ជក់ថ្នាំ មួយចំនួន
-ម៉ូតូ ចំនួន០១គ្រឿង
-ម៉ូតូរឺម៉ក់ ចំនួន០១គ្រឿង ។
សុំបញ្ជាក់ថា បន្ទាប់ពីឃាត់ខ្លួនជនសង្ស័យ ឈ្មោះជឹម អេង ហៅពូច គឺបានបញ្ជាក់ថា គ្រឿងញៀនរបស់ខ្លួន គឺបានទិញពីឈ្មោះ មែ វ៉ៃ ភេទប្រុស អាយុ៣៩ឆ្នាំ ស្នាក់នៅដូចកន្លែងកើតហេតុ ហើយកម្លាំងជំនាញ ក៏បន្តឃាត់ខ្លួនឈ្មោះ មែ វ៉ៃ បន្តទៀត ។
បច្ចុប្បន្នជនសង្ស័យទាំងពីរនាក់ខាងលើ កម្លាំងជំនាញ បានកំពុងឃាត់ខ្លួន ដេីម្បីធ្វេីការសាកសួរ និងចាត់ការតាមផ្លូវច្បាប់ ៕