ខេត្តព្រះសីហនុ-(ព័ត៏មានUPDATចុងក្រោយ) គិតមកដល់វេលាម៉ោង៥និង១៥នាទីនេះបានរកឃើញហើយដោយកម្លាំងសមត្ថកិច្ចនគរបាលនៃស្នការដ្ឋាននគរបាលខេត្តព្រះសីហនុ រួមជាមួយក្រុមជំនាញមុជទឹករបស់កំពុងផែស្វ័យត្ន ក្រុងព្រះសីហនុ និង ក្រុមអន្តរាគមន៏ពិសេស៩១១ បន្ទាប់ពីបាត់ខ្លួនអស់រយះពេល២៤ម៉ោង នៅក្នុងអាគារកាស៊ីណូ(ផ្អាកអាជីវកម្ម)មួយកន្លែងឈ្មោះហ្កាន់ដាវ ស្ថិតក្នុងភូមិ៤សង្កាត់ លេខ៤ក្រុងព្រះសីហនុ។
យោងតាមប្រភពពីម្តាយក្មេងដែលបាត់ខ្លួននេះ ឈ្មោះ ជូប បុប្ផាបានឲ្យដឹងថា ក្មេងប្រុសនេះមានឈ្មោះ ភឿង វេហា អាយុ ១៤ឆ្នាំ ជាកូនប្រុសទីមួយក្នុងចំណោមកូន៥នាក់ ដែលបានមករើសអេតចាយនៅម្តុំឆ្នេរអូឈើទាលជារៀងរាល់ថ្ងៃ។ នៅថ្ងៃកើតហេតុ កូនប្រុសរបស់គាត់បានមករើសអេតចាយជាមួយក្មេង៥នាក់ទៀតប៉ុន្តែបាត់តែកូនប្រុសរបស់គាត់មិនឃើញត្រឡប់ទៅផ្ទះដូចរាល់ថ្ងៃ។ នៅពេលសួនាំក្មេងៗទើបដឹងថា កូនប្រុសរបស់គាត់បាត់ខ្លួនពេលកំពុងចូលរើសអេតចាយដែកចាស់ៗក្នុងកាស៊ីណូដែលផ្អាកអាជីវកម្មមួយនេះ ។
ដោយឡែកយោងតាមប្រភពពីក្រុមក្មេងជំទង់ម្នាក់ក្នុងចំណោម ២នាក់ដែលស្ថិតក្នុងព្រិត្តិការនេះ ជាមួយក្មេងរងគ្រោះបានបញ្ជាក់យ៉ាងច្បាស់ថា ជារៀងរាល់ថ្ងៃពួកគេតែងតែដើររើសអេតចាយនៅតាមតំបន់ឆ្នេរ ហើយនៅថ្ងៃកើតហេតុ ពួកគេក៏បានដើរចូលក្នុងការស៊ីណូ ទុកចោលមួយកន្លែង ហើយបានដើររើសកម្ទេចកម្ទីដេកចាស់ៗហើយក៏បានបបួលគ្នាចុះរាវដែកក្នុងទឹកបន្ថែមទៀត ក្នុងចំណោមក្មេងចំនួន៥នាក់ ស្រី២ ប្រុស៣ មានតែពួកគេ (ប្រុសៗ) បានដោះសំលៀកបំពាក់ចុះក្នុងទឹករាវដែក ឯ ក្មេងស្រីពុំបាននៅក្នុងកាស៊ីណូនៅទេ គឺដើរបែកទៅរើសកន្លែងផ្សេង នៅពេលចុះរាវពួកគេ២នាក់បានច្រមុជទឹកចូលទៅក្នុងបន្ទប់ជាន់ក្រោម ហើយក៏បានលង់ទឹកទាំងពីរនាក់ តែ នៅពេលនោះរូបគេ បានស្ទុះទៅទាញដៃ អ្នកទាំងពីរដែលកំពុងលង់ទឹក តែសំណាងអាក្រក់ទាញបានតែម្នាក់ក្នុងចំណោម២នាក់មកសង្គ្រោះនៅលើគោក បន្ទាប់មកក៏ចុះទៅស្រង់ម្នាក់ទៀតតែរកពុំឃើញឡើយ។
ជុំវិញឧបទ្ឋវហេតុនេះប្រធានក្រុមជំនាញម្នាក់របស់កំពុងផែអន្តរជាតិក្រុងព្រះសីហនុ បានបង្ហើបថា សពកុមារ៉ារងគ្រោះបានរងឃើញនៅក្នុងបន្ទប់ជាន់ក្រោមបង្អស់ ដែលផ្ទៃទឹកកម្ពស់ជាង២ម៉ែត្រ ដោយមានស្ថានភាពកប់ក្នុងគំនរសម្រាម ហើយចំពោះមូលហេតុដែលបណ្តាលអោយកុមាររងគ្រោះនេះស្លាប់គឺអាចបណ្តាលមកពីកត្តាធំៗចំនួន០២គឺទី១អាចបណ្តាលមកពីខ្វះខ្សល់អុកស៊ីស្សែននិងទី២ អាចបណ្តាលមកជាតិពុលនៅក្នុងទឹកដែលបំលែងពីសម្រាមដែលបង្កើតបានជាអុបតាន អាមូញ៉ាក់ ទើបធ្វើអោយក្នុងកុមារដែលចុះទៅក្នុងទឹកនោះទន់ដៃទន់ជើងលង់ទឹកតែម្តង។
ក្រោយការរកឃើញ សាកសពត្រូវបានប្រគល់ជូនក្រុមគ្រួសារ យកទៅកាន់លំនៅដ្ឋាននៅក្រុមទី៣៥ ភូមិ៣ សង្កាត់លេខ១ ក្រុងព្រះសីហនុ ដើម្បីធ្វើបុណ្យតាមប្រពៃណីស្របតាមការណែនាំរបស់ក្រសួងសុខាភិបាល និង ការណែនាំរបស់អាជ្ញាធរដែនដី។